同Stephy分手半年，但方力申都康復得好快喎，已經同何超蓮拍咗3個月拖。
佢仲當眾幫女友按摩調情，sweet到呢！
近日方力申去尼泊爾探訪，做完建學校呢啲粗重活動，超蓮就校正時間飛去拍拖，噢，係飛去做義工。
離開尼泊爾嗰陣，方力申喺機場繼續狂電女友，超蓮個樣勁冧。之後拍下女友膊頭，原來要壁咚佢，韓劇一樣呀！
戲肉嚟喇，挨實女友，幫佢按摩條頸，鍊完仲搭下佢膊頭。咁都未夠，仲跳求偶舞，你睇超蓮笑得幾開心。
搞到㷫烚烚，方力申遞支自己飲過嘅水俾超蓮嘆，開埋蓋！之後佢再飲幾啖，交換下口水。
其實之前佢哋喺銅鑼灣耀華街嘅樓上酒吧拍拖，已經攬到實好親熱。今次去尼泊爾探訪，佢哋住喺喜瑪拉雅山，夜晚睇星星談情，好浪漫！回程時一齊坐商務，全程連體嬰咁坐，特別好瞓。
返到香港，一出機場，方力申就搵超蓮個司機，交番何家千金俾佢，佢同何家上下都好熟喎！
在尼泊爾機場排隊過安檢，方力申怕超蓮口乾，遞水比女友飲。
在櫃台等check in，兩人主望曬成個機場冇可疑人物，放低了戒心，方力申更情不自禁摸女友頸背，搞到超蓮露出一副冧樣。
趁未上機前，呢對熱戀中嘅男女把握住相對嘅每一秒，行埋一邊傾密偈。
方力申個子唔高，好彩超蓮都唔高，兩人背影好相襯。