TVB新劇《味想天開》已經播映一個禮拜，之前好多人對呢套劇無咩期望，當睇咗之後……的確係無需期待。
除咗因為高音貝嘅出現，更因為洪永城嘅觀眾緣真系唔夠。
洪永城同黃翠如其實系一樣嘅，無特別唔鍾意佢哋，不過佢哋都系主持旅遊節目比較好。
既然知道演戲唔系佢哋強項，點解TVB仲要夾硬來？
仲有黃子恆本身竟然成為咗「男二」，佢一直喺TVB浮浮沉沉咁擔當唔重要嘅角色，但佢喺呢套劇嘅戲份竟然頗重。
當然應該俾機會會演戲嘅人上位，但黃子恆嘅「chok」味太強勁，還有觀眾話佢咬字不清。
呢個時候，你唔系仲諗住追落去啩？
曾經，TVB都有「三大飲食劇集」：
《金玉滿堂》
歐陽震華當時飾演一角名叫東官，擁有一條「皇帝脷」擅長品嘗天下美食，而女主角小小(陳妙瑛飾演) 煮麻辣則好犀利。
初初大家因為誤會而認識對方，後來慢慢相愛，更加合力炮製「夫妻肺片」，獲皇帝(江華飾演)賞識，於是二人成為皇上身邊嘅大紅人。
不過之後佢哋又再因為一啲誤會而產生衝突……劇集有「TVB福將」歐陽震華同埋「TVB爭佢一個視帝」嘅江華，質素當然有保證。
《美味天王》
同樣系歐陽震華坐陣嘅劇集，此劇系TVB 30周年台慶劇，劇中角色非常多，而且仲收錄成一張大碟。
美味園餐廳老闆秦萬石(秦沛飾演)參加廚神比賽，敗於徒弟金一(歐陽震華飾演)，後來銷聲匿跡，美味園生意一落千丈。
最後歐陽震華接手，並同宣萱、關詠荷組成三角戀，之後仲同古天樂決戰廚技。
呢套劇集收到很高評價，有觀眾指「配角無茄喱咖咁濟，又搞笑，配樂又唔曳。」
而且仲有古天樂做第二男主角，卡士非常犀利，可觀性好高。
《美味情緣》
當年嘅林峯……先唔好講佢。劇集系講述喬花枝(陳慧珊飾演)要同佢素未謀面嘅同父異母弟江上游(林峯飾演)相見，一同打理「百里鮮」呢間島上著名食肆，之後就搵到傳說中嘅廚師馬友(吳啟華飾演)重出江湖。
除咗可以睇到純天然嘅林峯，而且相隔多年咁耐，好多人仲可以記得男主角吳啟華嘅劇名叫馬友，證明呢套劇劇嘅威力都好大。