馬國明、金剛及小儀為TVB新劇《降魔的》拍攝外景，金剛被發現身形暴脹，原來早於半年前因健康關係開始戒菸，他說：「條氣順了，但起碼（肥了）有十幾磅，肚腩佗住Twins。肥不緊要，我靠樣賺錢嘛。（連臉都肥喎。）我走可愛路線。（這麼多暗瘡的？）好乾躁呀，沒有女埋身，之前寫那個是朋友，得啖笑，不緊要啦，我還年輕，不用擔心我。（頭髮都白埋，還細？）我只是壓力大。」
扮演的士司機的馬國明有通靈特異功能，不過現實生活中他未試過有「奇遇」：「凈系聽啲同事講過，尤其以前公司喺清水灣時，有第一日入職嘅保安夜晚喺度巡廠，佢見到有隊Crew喺度拍戲，但個場地其實系冇人Book到個場，咁佢咪行埋去登記囉，之後返到去問啲資深啲嘅員工，一睇登記導演名，原來個導演死咗好耐，嗰位保安第二日即刻唔做！」
馬國明並表示，話現在電視城的男休息亦非常「有名」，有不少藝人在那裡遇過靈異事件，但他謂自己很幸運，至今未有「奇遇」，所以會如常繼續使用更衣室。