某日病人A同佢老公到診所檢查，事前要先問清楚身體情況，對話如下：
我：你好，病人A，係檢查前有幾樣要問一問
病人老公：我叫老婆坐底，等我答就得
我：好，病人有冇糖尿病
老公：冇糖尿病，但有食糖尿藥
我：嗯，冇病又點會要食藥呢？
老公：食左咪冇病囉
我：明白，咁病人有冇懷孕
老公：有少少
我心諗，佢老公應該係神秘顧客，試緊我既情緒管理能力
我：有冇懷孕，有就有，冇就冇，唔會有少少
老公好細聲咁講：我都想佢有
我微笑地再問一次：咁即係有冇bb
老公：我有個仔！
正當我想大叫既時候
病人：冇呀，我冇懷孕呀！
我：好，請兩位坐一陣，轉頭叫病人名就可以入去做檢查
我都係時候要放大假……