錫住拍拖一年朱韻韻 余文樂台模密照一粒鐘即刪
贊助商連結
今年十月，余文樂被眼利網民踢爆，有個索爆長腿模特兒女友朱韻韻後，當事人以「拍拖唔會唔認」回應，但唔夠一個月，他又將為女友慶祝生日的短片開心 share，令二人親密關係進一步公開。
向來多女埋身的余文樂，早前在台灣出席活動時繼續被女圍，更與另一台灣索模 Kayla合照，不過，合照上載網上一粒鐘即被刪。
曲線認戀情
習慣戀情低調處理的余文樂，以近期潮人熱玩的「假人挑戰」（ Mannequiu challenge）慶生短片，曲線確認二十九歲長腿索模朱韻韻的女友身份；在樂仔上載片段前幾個鐘，朱韻韻亦在 Ig表示「最重要日子給最愛的人」，對曬愛一事，二人明顯早有共識。
「阿樂同 Angel（朱韻韻）拍咗拖一年，兩個人成日黐到實，四月樂仔去咗台灣一轉，十月佢喺北京開鋪， Angel亦特登同老死 Elva（倪晨曦）飛過去捧場，身邊朋友都覺得佢兩個好襯好夾。」知情者說。
幾粒鐘後，余文樂將跟她慶祝生日的片放上 ig，曲線承認戀情。
朱韻韻生日當天透露，最重要留給最愛的人。
余文樂左手紋了一隻眼，有指是朱韻韻（右圖）眼睛。
朱韻韻有愛的紋身。 泳衣曬紋身
正忙於跟老拍檔楊千嬅拍《春嬌救志明》的余文樂，早前突然現身台灣，出席曾經傳緋聞的周冬雨成為金馬獎影后慶祝 party。雖然名草有主，但余文樂異性緣旺，在台灣期間，當地索模 Kayla亦主動埋身。
「阿樂同 Kayla影咗張合照，當時佢已經好醒咁，刻意將頂帽拉低遮住半塊面，雖然只係見到頂帽同個鼻，但大家一睇就認得出係阿樂，有朋友留言講笑，話 Kayla呢個『老公』好靚仔，可能怕俾人話佢乘機抽水，總之， Kayla放咗張相上社交網一粒鐘，之後就突然刪咗。」知情者說。
樣靚身材正的台模 Kayla，經常上載泳照同朋友分享，跟余文樂一樣是潮人，亦愛紋身，她的左膊、腰以及右邊身都有細字紋身
圖案。
返到香港，余文樂在中環拍《志明救春嬌》，其中一場戲講述他跟秦沛組 BAND唱歌，他的造型搞笑。
成日周圍飛的余文樂，早前突然出現緋聞拍檔周冬雨在台北舉行的慶祝 P。
余文樂愛耷低頭擺 pose。
台模 Kayla將跟余文樂的合照放上 ig後，一粒鐘即刪。
Kayla樣靚身材正，經常大曬泳照騷 quali。
Kayla的 ig亦有幫視為男神的余文樂賣 Madness廣告。 偏愛長腿囡囡
余文樂的女友榜中，除了阿嬌鍾欣桐身形細粒，其他都擁有一雙長腿，包括相戀六年的黃伊汶，更加出名好身材。
盧巧音初出道時，余文樂跟大自己七年的盧巧音合作廣播劇撻著，其後余文樂轉戰台灣拍偶像劇，跟對手楊丞琳戲假情真， 02年同盧巧音分手。
黃伊汶02年，戀上同一經理人公司歌手、擁有 42吋長腿的的黃伊汶， 08年分手後，對這段情一直放唔低的余文樂，多次要求復合，但遭女方拒絕。 14年，黃伊汶正式成為人妻，跟演員陳國坤在峇里島行婚禮。
吳雨霏13年情人節二人在赤柱拖手斷正，其後又被發現拍拖歐遊，不過戀情只維持半年便結束，今年初，吳雨霏跟初戀男友「網球王子」洪立熙結婚。
朱韻韻跟 42吋長腿港模朱韻韻秘撻一年，二人著情侶裝外，余文樂左手更有女友愛的紋身，上月樂仔更將跟女友慶祝生日片放上 ig，承認情侶關係。
撰文、攝影、攝錄：娛樂組