新聞主播 向來給人感覺專業，說話大方流暢，咬字亦要清晰，所以一旦講錯說話，就容易成為網民的恥笑對象！在昨晚的閱間新聞中，記者楊家駿就出事了！佢在尖沙咀海旁報道未來數天的天氣，不過竟然將「最高氣溫」讀成「醉雞」，之後更在鏡頭前拿出手機睇「貓紙」，隨即被笑爆！
圖片來源︰YouTube
可能係楊家駿首次作直播，其實報道一開始已經感覺到佢有點緊張，語速時快時慢，甚不流暢。當佢講到星期六除夕的天氣時，就開始連環甩轆，「最高氣溫」第一次講成「醉雞」，第二次講成「最都」，第三次先講得啱！之後楊家駿更在鏡頭前非常順手地從口袋拿出手機睇「貓紙」，真係電視史上少見！
不過睇完手機後，楊家駿並沒有作任何補充，只係講一句「先將時間交番俾新聞部」，再露出一個尷尬的笑容就收工。不過最爆笑的是，片段尾聲竟然有一陣笑聲同步出街，唔知係來自圍觀的市民，還是幕後工作人員忍唔住爆笑？
其實做live有壓力大家都明白，希望楊家駿下次會有改善啦！如果仲有下次……