賭王愛子何猷君見家長好事近 CoCo見霸氣四太嚇到拍心口定驚
現年21歲的賭王四房細仔猷君，讀書頂呱呱又靚仔，女友質同量自然好。16歲已經首嘗初戀的他，這兩年換女友速度快過火箭，單單今年已經換了3個，最新女友就是比他大4年的樂隊「少女標本」成員袁紫僑(CoCo)。
處於熱戀期的猷君同CoCo，打得火熱，日前先給毒辣香蕉6粒星看到深夜去一夜店摸腳仔，隔兩日又見他倆去跑馬地正斗食粥面，難得年輕人女食唐餐……原來，兩位小朋友是要遷就一位一位重要人物！
當晚約9點，毒辣香蕉6粒星見到猷君同CoCo坐住七人車，在正斗粥面門外停下，穿住全身純白one-piece裙加白色有踭鞋的CoCo，明顯悉心打扮過，反而猷君就只是T裇牛仔褲加白波鞋，比女友隨便得多！
食大約1個小時，二人步出食店，而緊接出來的就是猷君媽四太，同行還有兩個女性友人。在四太面前，CoCo猶如純純羔羊，畢恭畢敬站到直一直，期間四太用凌厲眼神看CoCo一下，口噏噏似訓話幾句，這個時候，醒目猷君即為女友解圍，搭住媽咪膊頭，以半推式推媽咪行前。眾人行到猷君的七人車側邊，四太又再扭身同CoCo說，愛莫能助的猷君，惟有緊張望實女友，擔心他怎麼應對媽媽！
最後，霸氣四太終於和友人離開，CoCo就一直保持住揮手姿勢。「艱難」時刻終於「捱過」，本身繃緊的CoCo，不期然呼一口氣，右手拍心口定驚。
見完家長，猷君就帶CoCo去數碼港看《死亡筆記:照亮新世紀》看電影輕鬆。而毒辣香蕉6粒星聽到二人在戲院以普通話交談。到半夜，二人就拖住手上車，七人車直駛到南灣一豪宅屋苑，至深夜仍未外出！