估唔到第一次係度開po，就是講哥哥的事…
話說尋晚我阿嫂冬至黎食飯，抱住個歲半大的囡。
(哥哥一早已申報定黎唔到，聲稱公司有野做。)
食飯個時阿嫂已經看得出是強顏歡笑，飯後阿嫂話有野想同我媽咪商量，咁咪一齊行返我屋企。
((本身個幾月前佢地已經嘈過話離婚，佢地冇人講原因，我地個個咪以為係兩公婆一時鬥氣，諗住過一排會冇事啦……點知原來唔係咁簡單…………))
上到屋企，我媽咪同我阿嫂係房二人對話中，我同男朋友係廳睇緊電視，忽然間聽到阿嫂喊曬口的聲，我地為免尷尬開大聲點個電視。
但我都是聽到句: 台灣交流團同個女仔住同一間房
我就心中暗叫不妙，行去房門偷聽，先知原來我哥哥最近搭上了一個25歲的女女(我哥30歲),我阿嫂喊曬口話唔想頭家散，但哥哥已經成個幾月冇返過阿嫂屋企，打電話又唔聽……
但阿嫂話最近呢幾日又有返黎瞓，不過原來是因為那名女女去了旅行，所以先回家瞓……
我阿嫂佢話唔知仲可以點，搵親哥哥都唔應機好似失蹤人口咁，阿嫂激動到要放低bb係度話佢唔想再理話覺得好辛苦自己一個湊住個囡又要返工……
我望住bb企係度呆一呆然後又喊曬口咁行埋去捉住阿嫂隻腳係咁喊，真係好撚慘……
最後阿嫂都冇掉低bb，阿嫂同我地講，哥哥說 : " 我對你已經冇曬感情，不過我依然會同你維持夫妻關係，但佢會照同個女女拍拖。"
我男朋友事後同我講，話作為一個男人。聽到我哥哥能夠說出這句話，佢覺得好無恥。
尋晚我瞓唔著，一恰埋眼，就會諗起bb即將會有一個破碎家庭下成長……又諗到哥哥為了一己私慾，不惜背棄全世界……又諗緊點解個女女可以明知人地有家室都照來……
凌晨一點幾，哥哥回來得很鬼祟(因為哥哥不嬲返親屋企都好嘈，鐵閘拉好大聲，以前經常被嘈醒)。因為我瞓唔著，我隱約聽到有聲，因為哥哥已失蹤一段時間，所以我走左出去問下佢野。
我行出去廳時，哥哥已準備出門口又想走，我問哥哥: 你去邊？係咪因為人地去左旅行，所以你先返屋企？(哥哥都呆了一呆，因為佢不知我原來已知道佢的衰野)，我問佢點解會變成咁架你？
我哥竟然答我: "乜你覺得有問題咩？"
我答: 係喔，係好有問題。
結果佢說了句 "再講吖" 就走了，走前佢話會返屋企，點知最後阿嫂話哥哥冇返過來……
點解哥哥可以做到咁，bb仲咁細，結左婚一年半多就搞成咁。當初要結婚要生小朋友都是哥哥決定的，依家為何可以拋低一切？