朱晨麗到油塘宣傳《味想天開》，她說：「今日呢個古裝look要返公司整，因為要戴假髮同頭飾，呢個劇由夏天拍到冬天，記得初初拍熱到出汗，到後來唔使埋位要著羽絨！
（有親熱戲？）因為呢個系古裝喜劇，就唔會嘅，而且我個角色都保守少少，冇需要露嘅戲份，但有場戲講我要洗豬腸，系真豬腸，好臭！佢哋一個二個彈開曬囉，冇義氣！」
問到現實生活中是否絕少入廚？她說：「我系自己一個人住，咁三餐間中都要自己煮，我識煮公仔麵、餃子、麻婆豆腐同椒鹽骨。（有冇男藝人試過你手勢？）暫時未有，計劃緊聖誕、新年搞大食會。
（唔驚同@黃子恆hw 再爆緋聞？）當宣傳，我哋系兄弟，唔系，系姊妹至啱。（咁講唔怕人誤會子恆系同志？）唔系，佢話兄弟，我話姊妹囉！」