@Tony洪永城 與女友@唐詩詠Natalie 現身旺角，出席《俠盜一號：星球大戰外》首映禮，活動由無綫Ad fun贊助，TVB出動四十多位藝人撐場，現場更有紅地氈儀式，由洪永城排頭位出場，緊接在後的有@rebecca朱晨麗 ，而洪永城的女友詩詠則繞實@梁烈唯326 出場。
同朱晨麗道歉
洪永城獨自走過紅地氈，他笑謂：「我太失禮，冇風度，要同朱晨麗道歉，原先公司安排我同佢行，但唔知邊個推咗我出去，我以為斗快行完紅地氈有禮物！」提到女友詩詠不跟他行紅地氈，他表示是公司安排，不過唐詩詠與梁烈唯（唯唯）行就十分安心，因唯唯靠得住。記者笑問他是否覺得馬國明靠不住？他謂：「公司安排啦！」
台慶先曬好嘢
詩詠密實上陣，她謂自己有曬長腿，問到是否男友不批准？洪永城說：「唔系，好嘢留到頒獎典禮，壓軸嘅，次次好嘅就唔知邊次好！」詩詠被問頒獎典禮的戰衣是否已準備好？她說：「仲等緊，唔一定性感，最緊要靚！」
戰衣加旅遊元素
洪永城被問會否親自為詩詠設計戰衣？他笑謂：「我會加啲旅遊元素，好似尼泊爾，西藏啲布，我諗佢一世都唔會著，似村姑。」詩詠則謂：「嘩，有啲驚，呢啲都系交畀我諗啦！