GreatDaily
藝人王君馨（Grace）及龔嘉欣於今年台慶頒獎禮獲提名「最佳女配角」，當中Grace及嘉欣分別憑「慘情打女」花曼及「爆喊大婆」程思汝而被睇高一線，齊齊爭獎！
GreatDaily
飲可樂提神
Grace先將為演活劇集《城寨英雄》花曼一角而付出的辛酸娓娓道來，包括為角色束腰數月至20.5吋腰、拍打戲前只敢挨餓、甚至拍到入醫院等等，她說：「我未發育前都21吋腰啦，我有時真系抖唔到氣，食嘢又頂住個胃。有次由凌晨拍打戲拍到翌日下晝，我知一食飯就會嘔番出黎，所以不停飲可樂提神。我拍完即刻入咗院，原來喉嚨同個胃都發炎一段時間。」入行九年半的Grace透露入行初期因不適應環境而患抑鬱症，她稱身為鬼妹仔的熱情反而被批為人「好假」。
GreatDaily
GreatDaily
遲啲先有BB
但花曼一角令她「逼出」自信，故渴望憑此得獎以獲大家的肯定：「我入行拍飲食節目時有抑鬱症，我覺得最唔容易系自己嘅熱情會令大家覺得我好假同唔知想搏乜嘢。我真心唔知幾時會有下一個花曼，我好需要大家繼續畀支持我。經歷咗花曼呢個角色令我成長，無論前一晚我喊咗幾多，幾想放棄都好，一著上戲服就要變得好自信。」交出代表作後的她決定下年結婚，她剖白背後原因，又謂結婚不會妨礙事業，但希望遲幾年才生B：「我好愛佢，想喺佢辛苦時陪住佢。而且演藝工作令我去太遠，我希望佢返嚟扯返我落嚟。（拍完代表作就安心結婚？）未㗎！我發覺依家先開啟演員的世界，系遲咗啲！但我想一路進步，所以希望遲多幾年先有BB。」
唔滿意爆喊
GreatDaily
至於入行八年的嘉欣，憑劇集《幕後玩家》中發現老公不忠後的出色喊戲而被觀眾力贊！她自爆為這一幕，喊到眼皮都損埋，她說：「直頭喊到眼痛，可能眼淚太咸，令眼皮損損地！」雖然被贊喊得痛徹心扉，但嘉欣透露對自己要求甚高，自批喊戲未夠完美：「我覺得爆喊嗰幕做得最差，拍完自己都好唔開心，因為喊到唔太講到對白，所以之後見大家熱烈討論都覺得感覺唔真實！」
GreatDaily
GreatDaily
談到她與王君馨被視作「女配」大熱，嘉欣直言要自己保持信心：「每個演員都有優秀嘅地方，冇得比較。我有睇佢演出，明白拍打戲好辛苦。但我一定要對自己有信心，因為做事冇信心會令工作做得唔好。」