近朱者赤，身邊既人對我地既影響實在好大！小則令人心情唔好，嚴重既絕對會影響到我地既價值觀同人生呀！所以識朋友同伴侶絕對要小心，唔好令以下4種人影響你既一生！
1. 對人嚴格，對自己寬鬆
律己以嚴，待人以寬絕對係一種美德，令你變得更好，同時更多朋友，但偏偏好多人就係啱啱相反：自己做乜都得，對人就多多要求！例如對你既手信嫌三嫌四，但自己去旅行又唔會有心肝諗起你！講到㡳，對人地既付出同努力唔放在眼入，又點會值得做朋友？
2. 唔識管理情緒既人
少少野立即發脾氣，唔講道理乜都鬧左先，又或者每件事都只以負面去睇，一直都負能量到㡳...如果佢有情緒病，當然要好好關心佢，如果佢係情緒管理有問題，長期要搵人發洩，咁你既情緒都好易俾佢影響到！
3. 不務正業既人
當然唔係指不幸失業待業中又或者從事自由職業既人，不務正業係指長期懶懶閒等人養，冇人生目標，更嚴重既係從事非法勾當既人，都必需快d遠離，唔係令自己受佢地既生活態度影響。如果係選擇終生伴侶，更加可能影響一生。
4. 幸災樂禍既人
唔係諗自己點樣進步，而係希望睇見人失敗而顯得自己成功，鐘意講人是非、壞話，更加鐘意挑剔人地既錯處。依種人唔止黑心，仲會令不斷令動搖你既自我價值。
身邊人對我地既影響實在好大，但人生都係由自己選擇，遠離以上四種人，的確會令你每日都開心d！