基因強大索爆星二代逐個捉

@ 2016-12-14

基因強大索爆星二代逐個捉

任達華與琦琦夫婦日前為愛女任晴佳(Ella)舉行生日派對，仙氣十足的Ella隨即成為網民爭相討論的對象，亦令人驚嘆父母基因的強大！作為星二代，佢哋經常有機會暴露在鎂光燈下，一舉一動都備受關注，更重要係佢哋遺傳到父母的優良基因，極有星味！如果眾星二代跟隨父母腳步踏入娛樂圈，屆時眾男神女神就肯定有一番龍爭虎鬥！唔講咁多，大家慢慢欣賞！

影帝任達華與名模太太琦琦的女兒任晴佳(Ella)，十二月底將踏入12歲，日前琦琦在微博上載多張相片，分享女兒生日派對的盛況，相片可見Ella遺傳了父母的優良基因，如今已出落成一位美少女，更擁有高佻身材，絕對有條件和媽媽一樣踏上天橋！

GreatDaily

龔慈恩女兒林愷鈴

16歲的Ashley今年就讀中五，近日常與媽媽龔慈恩出席公開活動，曝光率直線上升。年紀輕輕已經仙氣十足，所以說氣質的確是與生俱來的。Ashley稱自己對藝術、音樂有興趣，自小學習鋼琴、小提琴，聲樂亦已達到8級程度。雖然未肯定將來會否入行，但如果有機會則望以「音樂才女」形象示人。

GreatDaily

關禮傑女兒關楓馨

藝人關禮傑大女關楓馨（Fabienne）今年7月大學畢業後，接下來會到澳洲working holiday，然後攻讀碩士學位才會開始工作。智慧與美貌並重的Fabienne被問到會否參加選美，爸爸關禮傑就指要視乎女兒的意願，不過最好先完成學業。Fabienne又靚又叻，又有一個錫佢的男朋友，爸爸唔使擔心啦！

GreatDaily

Fabienne與男友Kris Wood是大學同學，男友已經融入家中，而Fabienne亦不時與男友遊歷世界。

GreatDaily

陽光女孩Fabienne經常遊山玩水，大曬泳照。

GreatDaily

上山詩鈉女兒 Hilary

藝人上山詩鈉雖已年過半百，不過樣貌身材都保養得甚好，係圈中有名的「美魔女」。女兒Hilary完全遺傳到媽媽的美貌，小時候已經係十足的美人胚子，現時長大後更是散發陣陣仙氣，係公認的「至索星二代」！Hilary與媽媽感情要好，不時孖住出席公開場合，唔少人大讚佢哋似姊妹！

GreatDaily

Hilary現時在外國讀書，在社交網絡非常活躍，經常上載自己靚樣，仲有同朋友四處玩樂的相片。

GreatDaily

而且Hilary都好大方曬fit爆身材及健康膚色，真係冇得輸！

GreatDaily

梁家輝大女 Nikkie

影帝梁家輝大女Nikkie有一雙水汪汪的大眼睛，笑容甜美，而且擁有魔鬼身材，IG已有兩萬幾followers！Nikkie長年在外國讀書，習慣了外國人較開放的風氣，早年曾上載性感露半球、夜店狂歡及攬啜友人等相片，不過事後極速刪除，相信係因為激嬲咗嚴父家輝！

GreatDaily

Nikkie非常愛自拍，IG有大量自拍靚相，亦當然唔少得曬身材啦！

GreatDaily

Nikkie早已名花有主，佢經常在網上大曬自己同鬼仔男友的合照。

GreatDaily

梁家輝細女 Chloe

家姐Nikkie樣貌身材出眾，妹妹Chloe亦唔失禮，同樣擁有甜美笑容及fit爆身材，不過小編就覺得Chloe感覺上比家姐斯文內儉，比較有乖乖女feel！

GreatDaily

早前，Chloe孖住家姐Nikkie一齊去睇學友嘅的演唱會以及曹星如的拳賽，兩姊妹都咁正，一齊出街肯定即時成為焦點！

GreatDaily

邱淑貞大女沈月

邱淑貞(豆斗)作為九十年代的性感女神，係唔少男士心目中完美的化身，不過佢自1999年嫁俾時裝公司I.T.老闆沈嘉偉後就淡出幕前。豆斗結婚後替老公誕下三個女兒沈月、沈日及沈晨，其中長女沈月生得亭亭玉立、氣質出眾，皮膚及標緻面孔都甚母親的影子！雖然沈月平日多以淡妝或素顏示人，不過都足以睇到佢係個美人，相信過多幾年後能與母親匹敵！

GreatDaily

隨著沈月年紀漸長，除咗愈來愈靚之外，條腿都愈來愈長！

GreatDaily

苗僑偉女兒苗彤

「三哥」苗僑偉與太太戚美珍兩人都是獨當一面的藝人，女兒苗彤便盡得兩人優良基因，五官精緻之餘，笑容相當迷人，唔少人都覺得佢有潛力加入娛樂圈！早年苗彤在著名學府英屬哥倫比亞大學 (UBC)畢業，三哥夫婦專誠飛到加拿大參加其畢業禮，幸福得羨煞旁人。苗彤讀書叻又靚女，贏曬！

GreatDaily

苗彤不時都會在網上大曬惹火身材！

GreatDaily

樣靚身材正的苗彤曾獲無線邀請參選港姐，但因無意在幕前發展而婉拒其好意。雖然沒有參選港姐，但卻擔任港姐的攝影師。從佢在網上分享的作品可見，她絕對是一個專業的攝影師。

GreatDailyGreatDaily

GreatDaily

基因強大 索爆星二代逐個捉

相关文章

基因強大索爆星二代逐個捉