男朋友係做地盤，佢為左草多D錢，快D買到樓，做地盤都肯，就算開OT做多12個鐘佢都肯做
我知佢係為我地未來好，但我真係唔想佢咁辛苦，同佢講過我會心痛佢都唔理
而且我覺得我自己成為左佢壓力來源，因為我係讀緊大學，而佢係中3畢業
我好愛佢，所以就算佢學歷比我低，做地盤，我都覺得無所謂，反正任何職業都無分高低
但佢係一個好大男人既人，佢一直好介意我地學歷差距，雖然佢知我唔介意，但佢怕其他人眼光，更怕我父母點睇
所以佢好希望我地第時結婚佢可以草到首期，而佢呢家21歲，已經草到廿萬
但我真係唔想佢咁辛苦，我好心痛佢搞到自己咁辛苦，其實我連地盤都唔希望佢做，因為實在太辛苦，同埋我覺得佢一直做呢行，一定戒唔到煙，我好怕佢會早死T_T，因為佢本身好易病，氣管天生有問題，同埋以前同人打架搞到有d關節已經有問題
而且佢同我講好多做地盤既人都成日叫雞，返大6，我好怕第時我人老珠黃佢頂唔順我既時候，佢都會咁
另一方面，雖然我話唔介意佢職業佢學歷，但其實我自己都唔係完全唔介意， 因為我無同我大學d朋友講我拍緊拖，中學d朋友我講得出， 可能我大學d朋友d男朋友好多都係大學生，或者佢地家境唔錯，
我知唔應該比較，但面對佢地我真係講唔出，我好怕我講左出黎佢地會問我好多問題，好怕佢地講我男朋友唔好，
其實無講比大學d fd知我拍緊拖，我覺得呢個隱瞞好對唔住我男朋友，我成日同我男朋友講唔介意佢既野，但實際上我好似口不對心咁，呢樣野我真係覺得自己好衰
不過唯一肯定既係我好愛佢，如果呢家同佢分開我一定喊死，而且我好希望自己以後都可以咁愛佢，唔好介意周圍既眼光，同埋真係唔想佢咁辛苦!!!!!
各位巴打見到咪?無論你辛苦做到隻狗咁,對佢幾好,d臭港女一樣睇你地唔起,怕你影衰佢地