我女朋友俾人搞大左!
我真係好心痛. 因為工作需要, 我經常唔係香港, 可能屋企得返一個人佢覺得寂莫. 最近我都覺得怪, 佢經期好耐都無黎, 而我次次都有用套. 佢前幾日同我覺佢有左. 我一聽到唔識反應, 跟住佢就話, "個肚唔係你既". 我都唔知點算好, 我地呢幾日都無講過野. 我唔知係邊個男人搞大我女朋友個肚, 係邊度搞同搞左幾多次.. 更唔知佢地關係有幾深. 我好愛佢,我唔知點算好.
各位帥兄, 我應該點處理呢件事好? 我女朋友好靚, 眼大大, 皮膚白, 身材又好, 我地大學識既, 當年佢仲係系花黎. 我地25歲, 本已有結婚既打算, 點知搞件咁既事出黎. 我都唔知點同佢講好. 我覺得佢都唔知想點. 因工作關係, 我今晚又唔係屋企, 都唔知佢有無搵果個男人.
先頭發生既事令我更加難以置信. 我連夜由廣州趕返落黎. 諗住同佢講清楚. 一入到屋, 我就見到個男人! 個男人好舒服咁坐係廳到, 當正係自己屋企咁. 我女朋友聽到開門聲, 岩岩係房出緊黎. 仲著住件睡衣, D鈕扣D唔扣D咁, 又無戴bar, 真係乜都俾條友睇曬. 佢跟住叫個男人走先. 我當時好嬲, 嬲到講唔到野. 我入房一邊換衫一邊開始向佢開火.
「就係佢?佢上黎做乜?」
佢話呢個男人就係經手人. 我問佢條友係唔係成日上黎, 佢話唔係, 今次只係上黎傾下點處理呢件事. 你當我傻架咩, 咁都信? 跟住我坐左落床, 最令我震驚既事發生左, 張床濕左! 有我成隻手掌咁大! 佢見我面色一變已經知乜野事. 我好激動, 講曬粗口咁X佢. 佢最後終於都認左佢地岩岩搞完野. 佢喊住咁話
"我唔想架, 佢一上到黎就要, 我真係唔想做D對你唔住既野".
我一聽完火都黎埋. X你老味, 咁都講得出, 我即係著返衫走左出去.
已經天光啦. 我租左間酒店, 但成晚都無訓過. 佢係咁打黎係咁text我, 我都唔知返唔返去好.
我有睇你地D留言, 好多謝大家既支持, 既然有今多人睇, 我有義務要俾大家知道發生緊乜野事.
呢一日我心情好差, 返到工乜都做唔到. 今日本來都唔想返屋企, 但得到一位好朋友既鼓勵, 我決定勇敢面對呢件事. 今日下午六點幾, 我返左屋企, 第一次坐底平心靜氣同佢傾.
佢話條友係facebook識既, 做跟車, 今年先21歲, 月入都唔知有無八千. 我個心好似俾人重重打左下咁. 我幫間大廠做marketing, 月薪最少四五萬, 有時八九萬都有. 佢竟然咁唔自愛, 俾個中五畢業既靚仔玩. 我女朋友讀design, 畢業後都只係接下D freelance做, 一直都係我養佢, 食住我俾曬.
佢地既關係已經維持左半年, 條友仲試過係我屋企過夜...
我睇得出佢唔想放棄我, 但佢亦都唔想落左個BB, 佢話佢好驚落仔. 佢聲哭俱下咁話佢好後悔, 叫我原諒佢, 想我要左個BB. 痴線! 咁大頂帽, 你叫我點戴?
呢個始終係一個生命, 我唔想逼佢落仔. 條友根本養唔起佢, 我又點捨得佢成世捱苦? 佢不仁在先, 但我對佢仲係有情有義. 而且我地好多既投資都係聯名既, 千絲萬縷從何理? 我問佢要左條友個電話, 佢好擔心咁話, 「你唔會搵人打佢丫麻?」 我當堂火都黎埋! 聽日我想打去同佢傾下, 但講真我都唔知同
佢講乜好.
好多謝各位既留言. 我無估過會引起咁大既迴響. 呢兩日收到既短消息同留言好多我都有睇, 但抱歉我一封都無回覆過, 因為無心情同人傾計, 係度向大家講聲唔好意思.
今日我既心情依舊係好沉重. 一朝十點幾返到香港公司, 我就打俾條跟車仔. 當我表明身份後, 佢斬釘折鐵咁話佢唔會娶我女朋友.
「咁個BB點算?」我問佢
「叫佢落左佢羅!」, 佢冷冷咁話.
我嬲到手到震埋. 呢條友根本就唔珍惜我女朋友.
跟住佢就幸災樂禍咁話:」見你咁可憐乜都唔知, 等我講D野俾你聽啦..」
佢跟住所講既野令我好震驚. 有好多我係AV見過聽過, 想做又無要求我女朋友做既野, 佢地都已經做過, 而且做得好徹底! 我女朋友外表咁純潔, 勢估唔到連後面都… 一切都完了, 我個心好似俾人挖開左個洞咁.
「不如我過返兩條片俾你睇好唔好?」 佢最後仲陰陰笑咁話.
我當佢女神, 你就當佢街雞! 好明顯, 我女朋友係俾佢呃左. 到底我仲要承受幾多衝擊? 好底佢仲有幾多野瞞住我?
我決定要分手. 其實各位一早都講左, 根本就無第二條路揀.
宜家問題係點樣分法. 我地有好多投資都係聯名, 全部都係我供曬.
- 宜家供緊層樓
- 一個供完既車位, 出租緊
- 一份月供基金
呢D野真係要搵律師搞. 唔知洗唔洗分一半身家俾佢添..係度勸大家結婚前真係唔好太多野聯名.
我想繼續住係度, 不過張床都應該要換..
佢分母早就已經當左我地會結婚, 我都要親自同佢地交待下, 都唔知點講好..
點都要俾D時間佢租屋住. 不過我諗個跟車仔唔會要佢. 佢又無乜求生能力, 短期接濟下佢都係需要既. 我知當我提出分手時佢一定又會喊, 希望我唔會心軟啦.
最後要講既係, 多謝大家既支持. 係你地令我加快左下做呢個決心. 成二千幾個回覆, 好似無一個叫我唔分手既, 有好多人講既野都好有point, 俾左好大既動力我. 之後發生既事我都會繼續update.