TVB幾位女藝人因為信奉基督教而被人稱為處女黨，當中包括李亞男、鍾嘉欣、王君馨、岑麗香、苟芸慧。
佢哋都系唔支持婚前性行為嘅，所以一直都被宅男封為「神聖嘅仙女們」。
不過近年嚟TVB處女黨嘅成員越嚟越少，唔系因為佢哋背叛咗主，而系佢哋一個一個都嫁咗喇！
第一位出嫁成員：李亞男
2007年爆出同王祖藍相戀，當時人人都唔睇好，畢竟女方同男方嘅身高、顏值差異太大。
不過喺4年後，佢哋就粉碎曬好多人嘅猜測，李亞男竟然同王祖藍修成正果。
第二位出嫁成員：鍾嘉欣
2016年2月鍾嘉欣同前TVB高層梁乃鵬嘅侄仔醫生Jeremy結婚，二人喺溫哥華認識。
之後鍾嘉欣好快就有咗，而家仲做埋全職媽媽照顧新生BB。
第三位出嫁成員：王君馨
王君馨系處女黨嘅主席，因為佢喺一次公開活動中承認：「我仲系處女，細個已經知道唔應該，我17歲就拍拖，想結婚先會考慮呢樣嘢，我嘅第二個男友，就系因為呢樣嘢同我分手，我好傷心，佢為呢樣嘢嬲我。」
不過王君馨喺上個月自爆已經同男友Daniel排期註冊結婚，主席之位隨即懸空。
第四位出嫁成員：岑麗香
香香公主喺上個星期2號突然喺Instagram宣布佢要結婚！
佢喺一年幾前透過朋友識到而家嘅未婚夫強強，因為兩個人都系信奉基督教，又曾經喺外國讀書，所以特別「同聲同氣」。
最後一名處女黨成員：苟芸慧
處女黨成員相繼出嫁，而家，僅返阿九姑娘苟芸慧，仲系單身……
港真，「處男黨」又好，「處女黨」又好，都唔系最重要嘅。
事關，都系TVB果句啦：「做人最緊要就系開心……」