條女話依家興生完先結婚，佢話唔係迫我娶佢，不過佢好中意BB所以想試下！
佢都ON9，擺明迫我同佢結婚，於是我話好，你中意咪生，不過我唔會結婚!!
佢就發癲屌９我！！話吳若希都係甘，DaDa都係甘啦，心諗DaDa邊有大肚
佢：唔L係呢個DaDa！！係模特兒果個DaDa！
我：屌你好Ｌ大波果個丫嘛
佢：唔係呀！！你只係識睇人個波，唔怪得唔想同我結婚啦！！
我：關咩Ｌ事呀.......
未婚懷孕已成正常事？ 娛樂圈未婚懷孕四位女明星
近年越來越多娛樂圈女明星傳出未婚懷孕嘅消息，觀眾不但少批評，仲非常祝福，看來未婚懷孕呢個社會禁忌已經開始慢慢打破。
模特兒代表：盧頌之（DaDa）
數到最近期，當然係o靚模出身嘅盧頌之（DaDa）喺社交媒體上宣布自己懷孕嘅好消息，隨即得到大量網民嘅likes同留言祝福！佢同大隻男友趙勁皓（King）因為合作拍電影而相戀，拍拖兩年幾就有餡，雖然二人已經計畫結婚， 但婚期未定，暫時都係專心迎接B女來臨！Dada仲感性地感激男友：「多謝你送咗一份全世界最好嘅禮物畀我……」完全令人感受到準媽咪嘅喜悅！
歌手代表：吳若希（Jinny）
吳若希（Jinny）同澳門闊少男友何兆鴻（Alex） 拍拖後，一直都高調喺各大社交媒體post相放閃，但早前突然高調鬧分手，令一眾粉絲都呆曬！分手一個月後，二人火速復合，令人懷疑係二人分手後發現女方有餡先急急翻撻！ 後來Jinny更暗示想暫別娛樂圈一年休息下，更加出post話：「幸福的事要發生了！」，大方承認自己懷孕三個月一事！大肚之後，Jinny不但得到老公獎勵何文田新樓，仲密密計畫產子後嘅結婚大計。一眾粉絲見證住Jinny呢條峰迴路轉嘅情路，都紛紛獻上祝福，希望快啲見到BB出世啊～
謝安琪（Kay）
最近宣布再次懷孕嘅實力歌后謝安琪（Kay），其實第一胎囝囝張瞻都係佢同老公張繼聰未結婚嘅時候陀住嘅。回想當年，Kay出道冇耐，事業剛起步，就突然稱自己未婚懷孕，需要暫別樂壇半年安胎休養，後來兩個月後同張繼聰擺酒結婚。由於Kay身為基督徒，所以未婚懷孕被指玷污信仰，惹來批評，但其後Kay表示有懺悔，並承諾唔會再咁任性，得到大量網民支持同欣賞佢嘅坦白！結婚接近十年嘅佢哋更加係娛樂圈中數一數二嘅模範夫妻，真係令人羨慕！
台灣代表：賈靜雯
早前因為拍攝內地節目《媽媽是超人》而爆紅嘅大眼B女咘咘，同樣係台灣男星修杰楷同女星賈靜雯未婚懷孕嘅愛情結晶！賈靜雯曾經結過一次婚，育有一女，當時佢亦係未婚懷孕，但最後婚姻未能走到最後，離婚收場。後來遇上比自己年輕9
年嘅修杰楷，火速撻著，雖然姊弟戀備受壓力，但二人一直保持恩愛，後來更加造人成功！當時本身未有結婚打算嘅修杰楷，都立刻給予女方名份，火速拉埋天窗，令好多藝人朋友同粉絲勁感動！最近佢哋再次宣布準備迎接第二胎嘅來臨，娛樂圈上上下下都十分替佢哋開心～