太陽娛樂今晚舉行聖誕派對，周生周太周小姐都有出席，不過最後都係行後門走左。
聖誕節就到，唔少公司都會開聖誕party同員工慶祝，太陽娛樂噚晚就喺將軍澳一酒店舉行聖誕派對，旗下藝人梗係有出席啦。但係最唔少得嘅，一定係老闆周焯華（洗米華），佢一到場，就有兩隻天線得得B同一個外星人打扮嘅員工迎接。
洗米華真係好開心咁，點解呢？
外星人好friend咁攬住洗米華
問到洗米華聖誕打算喺邊度過同埋今晚竟然有新女伴陪同出席係咩原因？佢笑笑口咁答：「我鐘意帶邊個就邊個！至於聖誕打算喺邊度過，呢啲嘢點可以話得你知o架？」話時話，上個月23日，洗米華先同太太陳慧玲（Heidi）以及三名子女，出席太陽國際主席鄭丁港兒子Herry嘅16歲成人禮，咁洗米嫂噚晚又有冇去開party呢？
又風騷讚蔡潔
仲一齊入場o添
答案係，有嘅！
洗米嫂噚晚喺Instagram貼咗一張佢同大女周梓潼（Virginia）嘅合照，留言話係「太陽娛樂聖誕派對」，明顯就喺趁住party time同囡囡打卡啦。睇真啲洗米嫂條裙貼身得嚟仲喺側邊位開窿，盡顯佢弗爆身形。而皆因洗米華帶新女伴出席，而呢位靚爆過氣女主人玩完一輪，就喺後門默默離開。
雖然見唔到洗米嫂入場，不過佢係有參加呢次party㗎。
太陽娛樂噚晚喺將軍澳一酒店舉行聖誕派對，旗下藝人包括方力申（小方）、崔碧珈、曾國祥、薛凱琪（Fiona）、蔡潔、沈震軒、Kevin Boy（KB）同J. Arie等人都有到場。身穿白色上衣嘅方力申話個look係cyber look，轉個頭就見到KB著到楊利偉太空人look咁現身，佢話套衫好環保，因為上星期先著過嚟出席第二個活動。
喺酒店門口遇到太空人KB嘅Fiona，反應係掩住口。
Fiona、KB
Fiona話諗過一個特別造型嚟，但最後冇搞到。
咁公司開P，老闆周焯華（洗米華）當然都有現身同員工happy嚇，咁啱KB同兩隻天線得得B，仲有一個外星人打扮嘅同事落樓遇著周生，佢哋順手接老闆，唔知係咪因為周生仲有啲童心，定係佢知道得得B個真身，見佢一見到啲得得B就心情勁靚，未停過笑。估唔到堂堂一個澳門賭業猛人會因為得得B而咁開心……
崔碧珈性感現身，曾國祥同行
又咁啱得咁橋，蔡潔喺工作人員應記者要求下現身，既然撞見老闆周生，梗係埋位影張相啦！點知周生就好風騷話：「嘩！撞鬼咩你？乜你越嚟越靚嘅？」周生心情應該仲靚。
沈震軒、J. Arie
另外，Fiona受訪時話自己原本都諗咗個造型，但係因為難準備，加上唔太襯自己，所以就放棄咗。提到近日圈中喜事多，Fiona就話都會戥大家高興，但佢誠心咁「告誡」班姊妹：「千祈唔好因為去得朋友嘅婚宴多，思維其實要清晰啲，唔好一味得個恨，唔好覺得人有你又有，人要你又要咁，那怕你要趕上呢個步伐好似唔係咁好囉！」
方力申呢個look叫cyber look……喎
Fiona仲話自己好好彩，冇被爹哋媽咪催婚生仔，再講到佢個舊同事周柏豪近日低調結婚，佢話事前唔知：「我覺得咁樣做（低調）係啱o架，畀著我都未必會通知咁多人，我都有諗嚇或者我結婚都會咁樣低調就算，平日出碟拍戲宣傳都要做訪問，我唔想到結婚嘅時候都要nicam咁樣做訪問。結婚我唔要咁樣呀，想安靜啲，但現時未有對象。」係咯，到你有對象先慢慢諗啦……