嫌棄男角
無綫花旦買少見少，阿佘應承接拍重頭劇《呂后傳》，但眼見劇中拍檔竟然是低自己幾班的黃浩然和張致恆，最後她以擔心頸椎舊患復發為由辭演。
娛樂喧
佘詩曼自 13年翻簽無綫後，講明一年一劇，本來今年 3月接拍李添勝的宮廷古裝劇《呂后傳》，但臨開工前卻稱病辭演。據知她思前想後，唯恐男主角黃浩然唔夠班，未必幫到收視，唔拍是最好選擇。
新劇臨陣易角，頭痕死一班高層，據知公司曾考慮胡杏兒、楊怡及周麗淇頂上，但一眾花旦統統拒絕。無計可施下，便決定由近期備受力捧的陳凱琳執二攤。
可是本刊收到消息，近日《呂》劇監製李添勝發現自己心臟血管塞了三成，醫生建議他少操勞，加上有高層擔心陳凱琳太嫩難孭飛，《呂》可能開拍無期。日前添哥亦親證：「今年應該開唔到㗎喇！」
近年興起古裝宮廷劇熱，遠至無綫出品《宮心計》、《公主嫁到》，以至內地的《甄嬛傳》及早前播完的《武則天》，套套勁收，演員亦個個紅曬。
亮相節目巡禮
《呂后傳》原定三月開拍，阿佘年初更以呂后造型亮相節目巡禮，但最後卻要臨時易角。
難擔大旗
據知無綫本屬意上位姐仔陳凱琳代替阿佘飾演呂后；但由於陳外形鬼鬼哋唔適合演古裝，加上有高層擔心她未夠火候，認為她拍住黃浩然盞累鬥累，因此女角人選至今依然未有定案。
添哥心臟有事
除了女角人選未定，據知現年 68歲的《呂》劇監製李添勝因心臟血管塞了三成，要入院做手術，令《呂》劇開拍日期再添變數。
既然有好收視，無綫亦唔執輸，本決定今年 3月開拍以阿佘、黃浩然孭飛，李添勝監製的《呂后傳》。但劇集至今仍未開得成，原因是阿佘在今年 2月，突然自稱擔心頸椎舊患復發，不能負荷重逾十磅的古裝頭飾而辭演。無綫雖然出動珍姐及樂易玲做說客，但阿佘最後都拒演。
其實阿佘一向有收視保證，加上《呂后傳》擺明以她一人做膽，發揮機會頗大，冇理由有好籌唔執？一知情人透露：「咪就係因為黃浩然囉。舊年拍巡禮條片嗰陣，阿佘已經口頭應承公司接《呂后傳》，但當時公司話男主角方面會搵個有分量啲嘅先襯得起阿佘，黃浩然係齋拍嗰條宣傳片㗎啫！但今年添哥搵阿佘傾劇本嗰陣，阿佘發現男主角竟然用番浩然。佢覺得貨不對辦，既然唔夠火花，拍出嚟都唔夠好睇，所以阿佘最後拒絕咗公司。」
古裝冇得輸
阿佘出道至今，拍過無數古裝劇，《宮心計》和《公主嫁到》皆有口碑。可惜無綫搵阿佘拍《呂》劇，以為只有她一個便足夠，結果老貓燒鬚，令《呂》劇開拍無期。
阿佘一句「唔拍」，臨陣易角，無綫上下嗌曬救命，據知珍姐親自出馬先後搵過胡杏兒、楊怡、周麗淇。「杏兒最近約滿，無謂咁辛苦啦，拍嚇拖好過；而阿怡就冇興趣執三攤，一口就推咗；添哥對 Niki（周麗淇）有意，不過太臨急臨忙叫， Niki嗰邊話冇期喎！」知情人續說。
無綫思前想後，珍姐與添哥打算起用備受力捧的陳凱琳，但卻要犧牲黃浩然，知情者表示：「呂后係個好有霸氣嘅角色，加上嗰啲頭飾要好誇張、好壓場， Grace（陳凱琳）咁瘦、個樣又鬼鬼哋，真係唔係太適合。所以公司到依家仲諗緊有冇其他人選，如果真係搵 Grace拍，浩然就要俾人飛啦，因為珍姐同添哥都想搵番有分量啲嘅男一襯 Grace。心目中屬意阿 Joe（馬德鐘）同祥仔（黎耀祥），覺得佢哋有氣勢啲。不過佢兩個個期又要再度過，所以套劇咪一拖再拖囉！」
演員未埋班、劇本又大執，但最麻煩是早前李添勝做身體驗查時，發現心臟血管塞了三成，醫生建議他多休息，所以工作進度惟有拖慢。日前記者致電添哥求證患病一事，他直認不諱：「老人家實有病痛，醫生話暫時未使通波仔，總之注意飲食，唔好操勞，所以我得閒咪同老婆去多啲旅行囉！（咁《呂后傳》開唔開得成？）執嚇劇本先演員都未定好，今年應該開唔到。（係咪阿佘唔肯拍，依家轉為陳凱琳頂上？）係我想用新人，唔講咁多喇！」真正係一波三折。
進軍大銀幕
39歲阿佘去年重簽無綫，但她曾北上拍劇賺過 40萬一集，早前更夥拍古天樂拍電影版《衝上雲霄》，難怪她不會甘心只做無綫視後。明年 2月約滿的她，講明續約條件是「想多拍電影為主」。
一年一劇
阿佘去年回巢，同無綫講明一年拍一齣劇，更要劇本過目後 OK才肯接，去年《使徒行者》便是好例子。
杏兒唔續約
阿佘辭演呂后， TVB最先搵胡杏兒頂替，可是胡去意已決。
Niki好鬼忙
李添勝隨後屬意愛將周麗淇，但近年長時間留在國內拍劇的 Niki，當然寧願賺人仔好過，因此最後婉拒添哥好意。
楊怡撞正期
無綫亦同時搵楊怡救亡，但咁啱楊怡接了另一套時裝劇，分身不暇，加上得知自己要接三攤，當然唔制。
陳凱琳（Grace Chan；1991年6月23日－），以嬌小玲瓏及大熱姿態於 2013年度香港小姐競選奪得冠軍，現為無線電視女藝人。
個人生平
1991年6月23日，陳凱琳生於香港，年幼時與家人移居加拿大溫哥華；她在2013年畢業於西門菲莎大學，出身富裕的她，家住九龍市值過億港元、面積達5千平方呎的獨立洋房，父親擁有不少商舖收租。
陳凱琳以171,477觀眾選票榮獲2013年度香港小姐競選冠軍，其後更榮獲2014年度國際中華小姐競選冠軍。
她是繼郭羨妮於2000年後，相隔14年再有於加拿大溫哥華成長的香港小姐代表香港，奪得國際中華小姐競選冠軍。而她與郭羨妮同樣的是，曾就讀於西門菲莎大學，回港參選香港小姐同時獲得最上鏡小姐及冠軍；而兩人前屆的國際中華小姐競選的香港代表亦是該屆季軍。另一方面，她與為前屆香港小姐冠軍張名雅一樣，於溫哥華長大，參選香港小姐，抽中的編號為17號；而參選國際中華小姐編號為5號；兩人被抽中試戴后冠，最後名列三甲。
身體特點
由於貌似混血兒，輪廓與父母極不相似，而且其孿生弟弟亦貌似中東混血兒，曾一度傳出其母親紅杏出牆的疑雲[1]。陳凱琳回應她是父母親生的，爸媽是純正華人，而她母親並沒在餐館工作，她婚前是做生意的，結婚後再沒有工作[2][3][4]。另一方面，陳凱琳參選香港小姐時，體重只有87.2磅，身高體重指數（BMI）只得14.8，遠低於正常亞洲女性的18.5至24，因而被指體重過輕；而她的上圍則是平胸，被外界指為最漂亮港姐及貧乳[5]。其身材被網民恥笑指是標準港女身材，以香港小姐冠軍身分代表香港女性實在有過之而無不及。
個人感情
陳凱琳在剛當選香港小姐後曾表示自己22年從未拍過拖，因而曾被歸類為處女黨成員。
其後陳凱琳因拍攝無綫劇集《殭》而與鄭嘉穎譜出「父女戀」。2015年5月9日，陳凱琳出席慧妍雅集慈善晚會，承認與鄭嘉穎拍拖。
個人見解
陳凱琳獲得超過17.1萬香港民眾投票支持當選2013年度香港小姐冠軍後[6][7][8]，有記者問陳凱琳香港行政長官是否同樣應由香港人一人一票普選選出，她雖未正面回應，但表示香港社會近日有不少爭取普選聲音，她認為特首應多聽取民意，她說：「始終你做緊嗰個position（位置）嘅時候，你都唔會想話個個人係針對你、反抗你，你都會想滿足到佢哋嘅需要。我覺得