30歲的TVB藝人 王君馨 ，日前宣布與拍拖11年的圈外男友Daniel結婚，11月16日時已低調入紙註冊！
日前君馨接受無綫娛樂主播潘盈慧專訪，期間多謝大家的祝福，暢談即將為人妻的感受。
不過提到男友求婚過程，君馨就竟然話有啲嬲嬲豬喎！究竟點解呢？
11.16低調入紙
日前除了城關注的大劉甘比結婚，《城寨英雄》中飾演花最的王君馨就將成為人妻！不過對象唔係同佢好匹配的牙佬，而係已經拍拖11年的圈外男友Daniel！
君馨稱男友雖然未在香港搵到工，而且本身好錫屋企人，不過都決定先搬嚟香港住，的確係誠意十足！
查看相片
查看相片訂婚派對場地別具意義
昨日君馨接受無綫娛樂主播潘盈慧專訪，提到兩人的訂婚派對，君馨指係Daniel離開香港前兩日舉行，
因為呢幾年真係有一班好好的弟兄姐妹、工作夥伴及朋友，希望未婚夫可以認識。
而訂婚派對的場地，正正係Daniel求婚的同一個地方！所以別具意義。
查看相片
求婚過程嬲嬲豬
而被問到男友求婚的過程，君馨指當晚兩人食飯，對方餵到佢好飽，足足吃了九道菜，去到最後仲食到好眼瞓。
正當君馨想返屋企時，Daniel就開始「咦咦哦哦」，之後就下跪求婚！
之後君馨笑說︰「講真，有啲嬲嬲豬嘅，佢應該係諗我咁攰，一定唔會拒絕囉，真係有啲計仔！」
查看相片
先享受二人世界
另外談及擺酒一事，君馨表示現正趕拍新劇《超時空男臣》，預計要來年一月尾竣工，所以屆時先會詢問一班好姊妹的意見︰
「希望夾得到，簡簡單單，想大家開心。」至於生B的問題，君馨就話唔會咁快，
因為自己與Daniel分隔兩地太耐，希望先享受二人世界，最好有兩至三年！
查看相片
全文完