尋晚《幕後玩家》終於播出最！最！最！緊張嘅一集。
就系小三Emma主動搵Carmen攤牌，並提出兩女共侍一夫嘅要求……
當Carmen龔嘉欣知道咗老公同Emma偷食之後，令佢傷！心！欲！絕！
並連場「慘戲」大爆發！好多人睇到個心都乸住乸住……
先有Emma劉佩玥攤牌，要同龔嘉欣分一半老公。龔嘉欣心情由半信半疑，到怒不可遏，再到內心崩潰，繼而上演一幕大婆怒摑小三，並憤而離場……
龔嘉欣呢一場戲，完全將一個好老婆發現自己被背叛後，果種情緒變化演繹曬出嚟。
之後系龔嘉欣同Tim少張繼聰哭訴，表示難以接受，佢一邊痛哭，一邊自責，一直不停問「自己究竟做錯咗乜嘢？」
喺呢個時候，佢依然保持要顧住頭家嘅諗法，完全演繹到一個完美老婆嘅諗法、做法。
最後面對出軌嘅Sheldon黃宗澤，開始時佢嘗試保持冷靜，之後越講越嬲，表現越嚟越激動，再次一邊喊一邊問自己做錯咗乜嘢！
最最後仲歇斯底里咁話：「點解你唔呃我一世呀！」
好多人都認為今次龔嘉欣嘅演出令人眼前一亮，對比以往進步好大。
亦有女觀眾自稱「喊住睇」，男觀眾就話睇到心噏。
甚至連謝安琪都喺老公嘅Facebook留言大讚：「有靈魂的演譯」。
港真，一個好老婆，系有幾愛佢老公，幾愛呢頭家。
佢先會希望從嚟無發生過？
佢甚至希望對方偷食可以呃佢一世？
真相往往傷害人最深！呃一世，未嘗唔系一件壞事。
而做女人太好，太放手，到頭嚟，真系會害咗自己。
男人永遠唔知足，十個男人九個滾，系定律。
兩人要喺中間搵到平衡，就好似放風箏咁，識放識收。
咁樣先至可以行到最後。