《幕後玩家》已經播出一段時間，當中好多角色我哋都講過。張繼聰、黃宗澤、劉佩玥、龔嘉欣……
但其實有一位角色，都好重要。佢就系陳煒。
陳煒喺《幕後玩家》飾演況復生原配個女，掌管復生集團嘅所有生意，系一個攻心計嘅女人。
劇中佢好多個似笑非笑嘅表情都令人心寒，比起單單系皮肉上露出兇狠個種，佢嘅演技不容置疑。
陳煒系1996年亞洲小姐冠軍，之後一直喺亞視效力。
不過「良禽擇木而棲」，佢之後俾TVB挖角而離開亞視。
首部出演嘅劇集《法網追擊》已經很吸引，令人眼前一亮，好快就令觀眾記住陳煒嘅大名。
陳煒喺《法網追擊》飾演龐鐵心，同樣系一個大奸角。
首次出演TVB劇集就已經接受如此大嘅挑戰，陳煒好明顯系，未驚過。
除咗日常著得性感，之後仲著上三點式喺遊艇上同郭政鴻激吻，多場性感演出顯示其專業嘅態度。
之後佢喺《神槍狙擊》再次飾演惡女人，兇狠、嫵媚嘅形象深入民心。
加上《梟雄》擔正做黑幫大家姐嘅女主角，精湛演技及性感形象令角色飾演得入形入格，當時更令大批觀眾支持佢攞視後。
好多人都覺得，雖然佢個樣好惡，但系佢真系好正。
嗱，真系唔系只有溫柔可愛嘅女仔，先至受歡迎架。
相比TVB而家果啲小花，陳煒唔單止個樣keep得好，演技亦好精湛。