連續幾日講咗Tim少張繼聰、阿Ted陸永、Sheldon黃宗澤。
都系時候講下最終嘅、真正嘅《幕後玩家》！
無錯，就系佢——顧成雙！
佢從細，就背負住私生女嘅污名長大。
眼見自己阿媽俾大婆逼死。
亦深知自己系女兒身，系顧家永遠都唔會有任何地位。
好彩顧家唯一男丁系自己嘅親細佬。
陰影由細個開始一直積聚，變成長大後嘅心魔……
上個禮拜五果集，就劇透出前男友嘅死，系出自自己嘅手！
目的，相信系想報仇。
亦展露出角色已經長大成心狠手辣嘅女人……
返到香港，成雙搵返汐然——
只系之前俾前男友傷太深，而隨手得到一個深愛自己嘅男人。
攻心計，明白阿Ted系自己打入顧家嘅最大武器。
於是不惜冒生命危險，去令細佬走回正路。
而得知Sheldon嘅野心，就等如千里馬遇上百樂！
兩個人嘅目標一致！
為求達到目的，不擇手段……
而最大嘅敵人——大房家姐顧成勛，相信好快就會俾佢拉落馬。
雖然，有上進心嘅女人可怕。
但系，有陰影嘅女人，可能仲可怕。