麥長青服務TVB29年感失望 隨時離巢
TVB藝人麥長青、朱智賢、馮盈盈及黎振燁等為慈善活動現身田灣邨作街頭募捐。麥長青「領隊」殺入屋邨各類商店，又向路過街坊及小朋友勸捐，連揸車路過司機亦不放過，認真落力。事後他認真表示：「我細個家窮，成日受惠慈善機構，長大了覺得要幫回有需要的人。（最受歡迎是你。）我經驗豐富些，況且《街市遊樂團》受街坊歡迎嘛。」
談到下月約滿TVB，麥長青直言仍在洽談中：「不過大家不知大家講緊什麼。我想趁自己仍然有體力、還未變「鹹魚」前，想緊是不是要做回自己想做的事。無間斷服務了TVB29年，如果真是離開，最不捨得幕後工作人員，大家陪住我經歷高低潮。」對於年初拍竣《愛．回家》後未有再入劇組，麥長青直言感到失望及無奈：「我都不知發生什麼事。」
【撞正結婚4周年】湯盈盈披嫁衣再婚？
昨天，湯盈盈喺微博甫咗張婚紗相，唔通佢又影多次婚紗相？咪住先，佢身邊嗰個唔系錢嘉樂嚟噃，唔通……原來昨日系盈盈拍攝《愛回家．八時入席》嘅結婚戲份，仲咁啱系佢同老公錢嘉樂結婚4周年，盈盈留言：「真系夾到冇咁『巧』！今日系趙麗虹系（喺）《八時入席》跟老公阿維正式系（喺）香港結婚！亦都系我本人同真老公結婚4周年紀念日可喜可賀， 很有意思！！！ 」盈盈當年系大住肚結婚，明顯有孕味，事隔4年再披嫁衣，身形冇走樣之餘仲更加Fit，只系髮型變咗，果然Keep得好呀！
盈盈2012年同老公錢嘉樂喺主題公園以大熊貓為主題舉行婚禮，婚後二人分別於2013年及2015年誕下大女錢凱晴（Alyssa）及細女錢凱琪（Kassidy），一家四口幸福美滿！
要錢唔要仔 阿Sa聞再婚：試過就得㗎喇
現年33歲的蔡卓研（阿Sa）昨日出席活動時，表示沒有向同場的玄學家李丞責查問明年運程，她說：「之前搵師傅睇過風水，媽咪問曬㗎喇，我唔識。」問到想師傅贈她哪方面的運程時，她笑說：「梗系錢啦！（桃花呢？）搵錢緊要過桃花，錢系自己嘅。」李丞責笑說：「桃花唔系自己咩？」阿Sa表示桃花好難控制。
不過李丞責表示屬狗的阿Sa明年雖犯太歲，但狗女旺桃花，尤其是異地姻緣。李丞責被問到阿Sa姻緣，幾時會再婚？他說：「客人唔問我都唔講，我又系拉鍊嘴。」阿Sa則說：「唔使，都結過，試過就得㗎喇，隨緣，最緊要搵錢！」阿Sa坦言異地戀唔太ok，她說：「long distance好辛苦！（咁鍾意黐住另一半？）有得黐梗系好，如果有得選擇就唔揀long distance！」
陳婉衡曬事業線谷《喵喵星》
香港已經步入冬天，，厚衫系時候要出動啦，無綫新一代咪神陳婉衡（Alycia）就唱反調，依然著住小背心大騷36E豐滿上圍，話說佢呢日喺社交網站上載咗張相，仲留言話：「聽講尋晚啊梅系（喺）屋企做瑜伽喎」，仲Tag埋有份參演劇集來自喵喵星的你，阿梅正正系佢劇中角色個名，不過相信一班網民除咗留意佢角色之外，最重要系佢條事業線，睇到大家眼定定！
陳法拉鼻樑歪曬 咩事搞到傷痕累累？
34歲陳法拉自大前年同Neway太子爺薛世恆離婚，加上約滿埋無綫，就去咗美國紐約進修，讀茱莉亞學院戲劇碩士課程，早前返嚟香港同子華演舞台劇，演完即返美國準備開學，現時讀緊Year 3!
法拉卸下明星光環，過往樸實校園，最近佢就多咗學舞台化妝，早前先貼完化老人妝嘅相，相中見法拉「老了廿歲」，佢叫嗰個妝做「舞台老妝」……
法拉今早喺Instagram自貼傷痕累累相，留言「鼻樑歪歪」，睇落個妝都幾逼真，大肚陳敏之亦寫道：「令我想起我們拍東西時一起化傷粧。」有網民覺得法拉個look有啲似日本《街頭霸王》角色嘅阿Ken。