之前我地之前我公司想請個新既會計文員，但係見左幾個都唔係好啱
於是我地咪再登過廣告請人囉
點知當我幫公司睇CV既時候，居然又比我見到一個極品
個candidate得中六畢業?!?!
依家咩年代呀，得中六畢業既人都有?
高分低能既垃圾大學生，我就見得唔少
但係連大學都無既人，呢個女仔係唔係連垃圾都不如
之後我睇真D，原來個女仔做緊......
侍應妹
侍應妹都走黎做會計，我有無眼花呀
我再睇......
因為佢仲有張LCCI Level 3既證書，仲讀過一堆垃圾課程
得D濕鳩文憑就想黎我地公司做野，個女仔都幾睇得起佢自己喎
不過算啦，難得人地咁有勇氣，咁我咪比個機會佢黎我地公司做skill test同EQ test囉
等到佢做完曬D試卷之後，我就開始同佢面試啦......
我: X小姐，點解你想做Account既?
佢: 因為Account既前景好D，而且我鍾意做D文書工作。
我: 咁你有D咩工作經驗呀?
佢: 我......做過餐飲一年半囉。
我: 餐飲......?呢D工係低等......Sorry，係低技術工作黎喎。呢D工作經驗對呢個post無用架喎
佢: 雖然我無相關經驗，但係我之前返工既時候讀過夜校，所以我都識用Excel同Words架
我: 咁你邊間大學畢業架，同埋咩hon呀
佢: 其實......我得中六畢業......
我: 哎呀......我之前見果D candidates都係大學畢業架，咁我咪諗住你都係Degree holder囉。但係咁既話，你既學歷好似係我見過既人入面最低架啦喎
佢: 雖然我讀書唔叻，但係我好勤力架。我放左工之後日日都會自修，仲比我考到個LCCI添
我: 我地只係會睇candidate既學歷，同佢既DSE分數咋。話比你聽丫，我地公司學歷最低既人，佢既DSE都考得好過你呀
佢: ......(佢成個人靜曬，睇佢既表情好似就快喊出黎咁
)
我: 其實你得中六畢業，就唔好諗做會計啦，乖乖地做餐飲咪幾好囉
依家大學生入面都大把垃圾，而你呢D連大學學位都無既人，真係連垃圾都不如架
飲食業呢D唔睇學歷既工，先啱你呢D低學歷廢人做架嘛
之後佢就好失望咁樣走左啦
係啦，唔好問我佢D Skill test做成點，因為我晨早就將佢地dum曬啦