我喺U嗰陣識咗個同學，好靚女，
但聽聞佢幾公主病。
以前讀U嗰陣都有試下溝下佢，
佢都會理我嘅、同我食飯嘅，
但每次去都expect我比曬錢，
仲要餐餐去埋啲地方都起碼$400先落到樓。
之後佢識咗個有錢靚仔之後，
我就自動成為左後勤兵啦
最近睇fb見到佢同個有錢仔分咗手，
之後有次msg安慰佢之後，
我哋又接觸返。
上星期六佢突然話想一齊去行下影靚相（簡單嚟講即係呃like）。
我話好啦。咁好明顯，睇地圖搵咩景靚呢啲嘢，梗係我做。
咁都算啦，一齊行咗陣，佢就要影相，
影咗勁多張佢都唔滿意囉，咩事？
之後再行到一半都未有，佢就話好攰好辛苦
，想走。仲要一路走一路發我脾氣，
話點解揀呢度行出，唔揀條容易啲
（其實我已經揀個好易行嘅路線，係佢公主病），
最後我一路忍佢脾氣一路落山，
仲要俾佢屈埋我食餐$600嘅日本野先散場！真係一肚氣