電視劇類型有好多，例如浪漫愛情、輕鬆溫情、驚悚嚇人等等。
而其中最吸引人追睇嘅就系懸疑推理劇，因為睇住主角一步步抽絲剝繭，破解案情，同壞人鬥智鬥力，到最後布局一步一步拆開，真相浮現，果仲心理刺激簡直系非言語可描述。以下呢啲TVB十大經典懸疑推理劇，你有無全部睇過？
1. 《刑事偵緝檔案》系列
《刑事偵緝檔案》系列共有四部，第一部由陶大宇，梁榮忠同郭可盈主演；第二部加入咗郭藹明；第三部加入咗陳法蓉；而第四部系陳錦鴻、古天樂、宣萱同埋佘詩曼。四部所描述嘅案件都系撲朔迷離，劇情十分好睇，堪稱TVB懸疑推理劇經典中嘅經典。
2. 《鑑證實錄》系列
《鑑證實錄》系列由林保怡同陳慧珊主演。陳慧珊飾演一名法醫官，林保怡飾演一位重案組高級督察，兩人透過法醫嘅解剖去破案～
3. 《法證先鋒》系列
《法證先鋒》由歐陽震華、林文龍、蒙嘉慧及鍾嘉欣領銜主演；《法證先鋒2》由歐陽震華、林文龍、鄭嘉穎、佘詩曼及蒙嘉慧領銜主演；而《法證先鋒3》則由黎耀祥、張可頤、徐子珊及吳卓羲領銜主演。成個故事都系圍繞以法證嚟破案。《法證先鋒》亦都被稱為時裝版嘅《洗冤錄》。
4. 《洗冤錄》系列
講完《法證先鋒》，當然要講《洗冤錄》。《洗冤錄》同樣由歐陽震華、林文龍主演，另外仲加上陳妙瑛及宣萱。此劇系根據南宋名人宋慈所著嘅法醫學題材書籍《洗冤集錄》為基礎，再將著作改編成劇集。
5. 《隔世追兇》
《隔世追兇》由郭晉安、陳慧珊、鄧健泓、江芷妮及許紹雄領銜主演。一眾主角隔世查案嘅過程真系睇到一步一驚心。
6. 《棟篤神探》
《棟篤神探》由黃子華同蔡少芬領銜主演。一般嘅推理劇氣氛會比較緊張，但《棟篤神探》因為有男神子華嘅加入，所以走嘅系輕鬆偵探路線，劇中有大量金句產生。（14年我哋出文講過：黃子華·電視劇金句系列－－《棟篤神探》）
7. 《古靈精探》系列
《古靈精探》系列亦系走輕鬆偵探路線，由郭晉安、郭羨妮主演。當中郭晉安飾演嘅特別兇案調查分部警長系靠通靈感應嚟破案。
8. 《通天幹探》
《通天幹探》由元彪、陳豪、鄭嘉穎、黎姿、蒙嘉慧及邵美琪領銜主演。元彪飾演嘅幹探破案無數，喺警界頗有聲名。佢擁有預知未來嘅能力，更遭到一系列神秘而不可思議嘅經歷。劇集中嘅破案故事大多都系同超自然現象有關。
9. 《衛斯理》
《衛斯理》由羅嘉良、蒙嘉慧、唐文龍、楊怡、楊明及麥長青聯合主演。故事改篇自科幻小說衛斯理系列。八個被改編嘅故事包括《紙猴》、《屍變》、《木炭》、《尋夢》、《蠱惑》、《神仙》、《鬼混》同《盜墓》。故事背景則設定為民初嘅上海。
10. 《迷離檔案》
《迷離檔案》系時裝科幻懸疑劇，由羅嘉良、張可頤、張家輝、關寶慧、何超儀主演。故事講述連串嘅離奇怪異事件發生喺男女主角身邊，主張以科學研究推翻迷信言論嘅男主角，以科學理論將一切怪事嘅謎底一一揭開。
真系套套都咁經典咁好睇。喂，咁你最鍾意邊套先？