許亦妮在2011年奪港姐季軍及最上鏡小姐後曾獲無線力捧，最近有人發現她不但沒有露面，也不再活躍社交平台，對上一次更新微博已是8月中的事，Instagram更加有55個星期沒有更新。
據知，目前許亦妮跟無線仍有合約，但近年來完全冇工開，劇集、電影都見唔到佢嘅蹤影，對上一次活動，都已經系上年6月嘅事，但喺佢消失之前都曾經風光過。
2011年許亦妮參選港姐，得到咗季軍同最上鏡小姐，佢驕人身材令人眼前一亮，入咗大台之後，頭幾年都系做下主持咁，到咗2013年就第一次拍劇，喺演《老表，你好嘢！》，當時佢凸到對眼大一大嘅一幕，都可以話系代表作。
之後就分別系《師父，明白了》、《舌劍上的公堂》同《潮流教主》，演第四女主角，同埋客串過《名門暗戰》。
《潮流教主》
《喜愛夜蒲3》
之後喺電視上見到許亦妮，都只系佢主持嘅節目。喺拍攝影電影《喜愛夜蒲3》嘅時候，被數四宗罪包括扮大牌、恰新人、搶人衫及卸膊等等。
其實都許亦妮都有過巴閉嘅一次，舊年有周刊指佢拍完《喜愛夜蒲3》做女主角之後，疑自覺「升呢」，返大台開工，又唔跟稿及玩遲到，之後仲向大台「獅子開大口」。大台一向人工奀就眾所周知，當年「民選港姐」陳凱琳有傳底薪得8千蚊，仲被要求籤長約。
反而11年當選季軍嘅許亦妮就身在「福中不知福」嘞！底薪有成12,000蚊簽佢4年，另再計500蚊一騷，又有經理人合約喺手，據知許亦妮曾向余詠珊提出今年8月續約，要求加薪4倍，即4萬8底薪，另加到1,000蚊一騷。
佢更同餘詠珊講，如果唔肯加人工就唔續約，但據知許亦妮o依家雖然冇工開，但系都仲有同大台有約，只系唔知完咗約之後，佢會唔會淡出娛圈。
事業嚟講真系唔算精彩，不過佢感情生活呢，真系好睇過大台啲劇，數據顯示佢截2016年已經有連媾13男嘅記錄，當中有唔少系富二代級。
有指許亦妮透過健身中心太子爺陸征宏介紹而認識無線高層樂易玲，亦有指樂小姐想簽佢做藝員，不過許亦妮就要求先參加港姐打造高貴形象。
許亦妮當選港姐季軍後同年，被傳媒影到與天大證劵董事施俊威（Ray）拍拖撐檯腳，不過離開餐廳時卻面燶燶。
之後結識物流太子爺孔樂勤，雖然家族經營空運物流，不過孔樂勤修讀室內設計，家底好兼夾夠曬靚仔嘅孔樂勤梗系夠曬吸引，有指許亦妮系撬走唐貝詩當時系佢男友嘅孔樂勤。
許亦妮喺2013年被影到同當時被指系大陽娛樂老闆周焯華（洗米華）愛將盧啟邦 Andrew約會斷正，及後有指當時Andrew早有正印女友蔡一鳳，最後許亦妮被飛。
除此之外，仲有旅行社太子爺李尊豪、林建名兒子林孝信、楊超成幼子楊嘉傑。
而今年5月被發現與肥仔男友到澳門夜蒲攬錫，原以為她事業失意愛情得意，卻沒料到她偕男友睇騷期間，男友竟趁許亦妮去洗手間時偷食，與長發索女又攬又摸又互咀，還被許亦妮折返現場時撞到正，認真慘情。親眼目擊男友偷食，真是女人最痛！
雖然許亦妮入行以來是非不絕，但知情者贊她為人爽直，性格大癲大肺又是神婆一名，相信是負面新聞多，令她不信任身邊人。對於目前事業這麼沉寂，有媒體試圖採訪她，可惜許亦妮只是已讀不回。
難道真的要徹底淡出娛樂圈？