大家好! 小妹同老公結婚半年左右. 講下家庭背景先, 老公屋企果面全家都係福建人. 淨係得我呢個"廣東人"唔係佢地自己同鄉. 我好唔中意奶奶用"廣東人"稱呼我. 老爺有番工一個養全家, 奶奶全職師奶, 最喜歡打理屋企同管理佢1子1女, 同街坊師奶飲下午茶又一日. 而我娘家果面爸爸係打工既, 做左30年叫做管理層經理咁啦,而我媽媽係間唔中番PART TIME既. 我同老公各自都有一份穩定既工作, 有比家用4大長老, 與奶奶同住.
結婚前 去老公屋企食飯 奶奶都好客氣, 完全冇其他人講果D福建奶奶封建野, 對我亦十分NICE. 當然婚後佢就原型露出啦 經過半年相處, 我發覺福建奶奶有以下奇怪野, 睇下有冇其他嫁比福建人既絲打有同我差不多既經歷
1. 雖然奶奶老爺都識講廣東話,緊要時候就即講番福建話, 好似有野唔想比我知咁.
2. 奶奶常常提起叫我快D生BB, 後生生BB好, 好似佢咁 1子1女就最好.
3. 奶奶愛逞強,愛比較, 經常睇微信朋友圈(內地親友) 分享既BB相, 話呀邊邊個乜乜太個仔生了BB 好得意 你地都快D生.
4. 奶奶喜歡貪小便宜, 有著數唔洗錢既野,一定拎好多番屋企, 唔理有冇用, 拎左先, 唔要再轉送比人. 屋企膠袋幾百個都唔止,仲有大量環保袋, 買完送有味既膠袋都留..膠SPOON膠差膠刀 果D都大堆...
5. 奶奶在老公小時候十分節儉, 儲了舊錢便即買樓, 現在他們有樓可收租 自住也不太差 都是私樓 但仍然喜歡左慳又慳, 一餐送可吃3-4天 湯更可以飲6天 實在十分嚇人.
6. 屋企常有蟻及小強, 雖然奶奶表面上愛乾淨, 但係小強就源源不絕, 由於老公及姑奶都好怕小強, 奶奶仲要殺哂死D小強, 就同佢D仔女講, 屋企好乾淨, 冇小強既. 但我一見到有就大叫有小強呀 落下奶奶面. (奶奶家裡冇吸塵機,佢用掃把掃2野當清潔左,佢D清潔方法真係唔掂)
7. 奶奶後生果陣係福建落黎, 依家當哂自己係香港人, 成日係我面前講大陸人乜乜唔好, 大陸個地方都唔好住, (心諗: 奶奶你都COMR FROM CHINA既福建者, 你做乜咁話自己人先?) 我通常答佢, 唔係喎, 我幾中意國內, 我覺得都係睇人架者, 我係外國讀書時識D好有修養既國內人, 人又NICE,又有學識又勤力.
8. 成日當D仔女係小朋友BB咁, 乜都要問, 要理, 會幫30歲既仔(我老公) 梳頭, 又會成日眼金金望住自己個仔 個仔係佢命根..
9. 成日問人住邊, 要比較下邊個有錢D, 一聽到人地住公屋 就睇唔起人 (我奶奶既奶奶都係係住公屋...
10. 成日提住自己屋企好幸福, 我嫁到佢比個仔 我好似好SO 執到寶咁
11. 北角街市賣既福建魚蛋IS THE BEST, 煮魚蛋水(湯), 炒、湯 福建麵又落魚蛋, 又時冇送都可以見到D魚蛋同D肉炒埋一碟 完全唔明點解咁喜歡落魚蛋...
其實我開POST講下,都係想發泄下,我冇可能日日同老公講佢媽咪點樣唔好..乜乜物物...純粹分享下..亦都唔係好憎奶奶, 始終佢果代人,係福建鄉下落黎..係辛苦過..同我呢一代唔洗挨咁成長係好唔同...至於我老公, 其實識佢果陣都知佢有少少裙腳仔FEEL, 但老公都好頂唔順佢媽咁既作風,(咩都話哂事, 唔理個仔想法,覺得自己比個仔就係最好..) 但老公唔會出聲, 多數係房到算, 老公亦到好好, 會聽我講佢媽點樣奇怪法, 有時老公自己都笑埋一份, 依家好努力儲緊錢搬出去...以上文字都係純粹個人分享,冇話標籤福建人好定唔好,大家生活習慣不同, "廣東人新抱"大開眼界 ..