劇集《幕後玩家》同《來自喵喵星的你》兩套劇有咩共同點？咪就系同樣有位最強小三蘿，《幕後玩家》慨劉佩玥（Moon）同《來自喵喵星的你》慨楊秀惠，兩個都使盡渾身解數，誘惑人夫黃宗澤同陳豪，令一眾網民瘋狂Cap圖，鼻血直流！
Moon喺第1集已經以性感弔帶睡衣誘惑黃宗澤，兩個人由門口一路錫到上床， Moon仲反身將Bosco壓喺身下大曬事業線，Bosco都忍唔住摸女方Pat Pat呀，認真香艷！
高招以退為進
去到第5集，Moon就冇再使出性感誘惑，而系教大家點樣做個知進退慨小三。劇情講到龔嘉欣帶埋女女上公司搵老公黃宗澤食飯，Moon即刻好識做咁主動提出話唔使黃宗澤陪，畀佢陪屋企人，試問有邊個男人唔心動呢？黃宗澤為左獎勵Moon，忍唔住同佢喺辦公室激吻，Moon呢位小三識得以退為進，呢招果然高招！網民都話對Moon另眼相看，諗唔到一向乖乖女形象慨佢，可以做得咁放咁有女人味！
陳豪嗌：OH MY GOD！
《來自喵喵星的你》原來仲吸引，劇中飾演Natasha慨楊秀惠，喺第7集著上低胸黑色晚裝，加上黑色絲襪盡曬佢對42吋長腿，佢仲同陳豪好專業咁討論黑絲質地，但系咁都未夠，楊秀惠喺陳豪面前解開絲襪帶扣，嚇到陳豪以高八度慨聲線大叫：「OH MY GOD！」
加送三吋事業線
尋日myTV SUPER就上載左段片，預告楊秀惠嚟緊又會出招！今次佢換上白色低胸連身裙，話扭親要陳豪幫佢拉筋。除左42吋美腿之外，呢次仲加送三吋事業線，網民凈睇預告已經話勁期待，又大誇楊秀惠性感得嚟搞笑，做得好好咁話！講到邊個先系最強小三，Moon同楊秀惠可謂斗得難分難解，有人鍾意外表斯文內里Open慨Moon，仲話一次個能夠搵到初戀同「愛美神」，真系去邊搵呀。亦有人鍾意楊秀惠慨搞笑性感型，話佢身材冇得輸又有長腿，兼夠傻夠可愛，直情無敵呀！