無線熱播劇《幕後玩家》找來好多靚仔靚女演出，其中劉佩玥性感色誘黃宗澤一幕，令大家無限遐想，即時成為網上熱話！黃宗澤在劇中有個乖乖女，慈父的款，怎知趁老婆不在就即時變玩家，去找情婦劉佩玥！而劇中蕭正楠對黃翠如一往情深，深情男加暖男形象。但點知演花弗男的張繼聰最深得觀眾心，難道真的是「男人不壞，女人不愛」？
曬肌勁吸睛
其實該劇集宣傳片播出時，張繼聰已經夠曬出位，居然玩「升降機gathering」，咀女（是工作需要），意識好大膽，看到大家眼都凸！張繼聰劇中形象勁花弗，網友更贊他說「把口仲啷過油」！
好似第二集講到劉佩玥被人屈，普通一句「唔好唔開心」又點會安慰到人先，醒目的張繼聰即出招冧女神：「單憑你樣靚夠治你罪啦！」男士們要學啦！張繼聰的冧女招數，難怪女士們都非常受落，連網友都說：「份人風趣又口甜舌滑，女人就是鍾意這Type！」而且張繼聰不只懂得說話，還有一副爆肌身材，還有半裸演出大方曬肌！
▼還有曬肌畫面，好大隻呀！
▼黃宗澤是花心玩家、蕭公子是深情男，而張繼聰就是口花花的花弗男
Tim少爆金句
轉數快的張繼聰仲在劇中一直爆出金句，一班網友看到都說過癮！當中一句：「公關只有一個字忍，你有冇見過舞小姐會鬧客人？鬧咗就冇錢賺啦！」完全道出做公關秘訣。還有寸爆女士喬裝金句：「唔系猛龍唔過江，唔系豬扒唔化妝！」押曬韻，又夠搞笑！不過最精警，莫過於這句：「啲人話錢系萬惡嘅，但人人都搵，啲人話女人紅顏禍水，但人人都滾！」世事都被你看透！
視頻：
相關報導：
劉佩玥現實不會做小三！拍激咀戲無向伍允龍備案
好激！劉佩玥做小三 與黃宗澤咀足7秒