胡定欣首奪星和視後，台上與陳展鵬耍花槍慶祝

胡定欣首奪星和視後，台上與陳展鵬耍花槍慶祝

胡定欣憑《城寨英雄》角色刁蘭在《星和無綫電視大獎2016》中奪得「我最愛TVB女主角獎」！

擔任頒獎嘉賓的是上屆「星和」視帝陳展鵬，展鵬在台上說：「「搵我頒呢個獎，可能系因為之前我都頒過獎畀佢，又或者佢攞嘅話就成件事好Make Sense。」之後陳展鵬將獎座交給胡定欣後，就望一望主持之一的鄭裕玲，鄭裕玲即謂：「錫啦！」之後陳展鵬就與家欣面貼面當錫咗！唓！

首次做「星和」視後的胡定欣直言緊張：「過去一年事業上有好大變化、好大壓力，好想喺短時間做好，畀大家睇到一個未見過嘅胡定欣，而睇到觀眾反應就知系成功。入行14年，呢14年唔容易，但系我過到。」

開始哽咽的她續說：「呢個獎唔遲唔早啱啱好，我特別要多謝一個人。」之後她便望住陳展鵬，男方即謂：「多謝我？今日真系好多驚喜！」胡定欣聞言卻「反擊」謂：「咁你可以唔聽！」陳展鵬即變回乖乖謂：「我梗系會聽啦！」二人可謂大耍花槍。