呢排工作好忙，已經好燥，又唔知係咪作更年期，
沾寒沾凍更加燥！
話說今朝係公司忙緊整powerpoint嘅時候，
突然間收到銀行短訊通知，話衰女張附屬卡碌咗一萬八千幾，
我當堂勁嬲，個衰女又洗腳唔抹腳，唔知阿媽搵錢係幾咁辛苦！
咁我頭先放Lunch打去鬧佢啦，佢仲唔認，
仲要發我脾氣cut我線！嬲到我！！
點知啱啱銀行打俾我，話check到我張附屬卡可能被人盜用，
依家調查緊…問我有冇唔見張卡？我話冇。跟住佢話呢排有幾單case ，
D客都被黑客入侵信用卡，佢問我電腦、電話果D有冇裝防毒軟體？
我話電腦有裝，但係手機冇。佢話宜家調查緊，唔好意思，會再聯絡我。
我可能真係怪錯咗個衰女
，防毒果D嘢我唔係好識，我以為電腦先要裝防毒軟體，乜手機都要裝防毒真軟體嘅咩？
死啦，我手機係咪真係俾黑客入侵咗？有冇人可以教我點做？