TVB力捧花旦李佳芯出席商場萬聖節活動，並即場進行特技化妝，手上弄上傷痕。
問會否於萬聖節與男友外出慶祝？曾被拍得與nowTV主持陳炳銓拍拖的她詐傻說：「邊個男友？（將佢降級做朋友？）我一直都答我哋系好好朋友，發展中，感情事低調。（怕感情影響工作？）我工作冇停過，要專注做嘢。我Keep住有劇，冇咁多時間。」
她又透露今個月開拍劇集《踩過界》，飾演一名「鬼妹仔」性格的法官，將與蔡思貝、王浩信等合作。
問於《律政強人》擔正後，工作是否不斷？她坦言：「呢一年多咗。（豬籠入水？）未去到，希望可以入滿啲，穩步上揚。（目標系買樓？）相信磗頭每個人都想擁有，不過好多嘢都啱啱開始，一步步嚟。」她又指工作繁重，相信最快要待明年才有機會放假。
男友陳炳銓現為nowTV主持人
早前曾被記者拍到兩人外出約會
雨中漫步的兩人，十分甜蜜。