小弟一直覺得, 鐘意一個人, 就全力以赴, 豪無保留咁愛佢
奈何我每次都做兵, 兩年又兩年. 遇到很多欣賞我既女仔, 可惜就永遠都遇唔到接受我既女仔.
我唔識浪漫, 規規櫃櫃, 追一個女仔兩年, 可以輸比一個用左兩日時間既男仔
然後又試過追一個女仔半年(佢係高登絲打, 佢應該睇到), 輸比個見過佢兩次, 三十幾歲既中年肥佬.
這裡是廣告區域
前排我又衰左, 我鐘意左3年既女神同我講有個男仔不高、不帥、不富有; 一直都唔鐘意佢, 只係因為個男仔突然錫佢, 令佢心動.
我睇過個男仔張相, 樣衰過我, 搵錢仲少過個女仔(個女仔得1萬).
我女神係好難得一見既好女仔, 講心, 而唔係講樣或講錢. 佢性格真係好到不得了(當然個樣都正常, 唔係暗瘡肥婆), 心地很善良.
我以前好窮, 後來大學畢業, 而家廿幾歲(差唔多廿到尾), 最近一年收入增加, 開始月入有4萬幾.
我女神有左男朋友後, 我比自己兩個目標:
1. 月入十萬
2. 練番大隻
我知道要追我女神, 仲要有d外表, 所以去埋做健身, 因為我女神其實都係比較大件既女仔(唔肥, baby fat, 165高, 11x磅左右), 而我係過瘦.
這裡是廣告區域
為左要月入十萬, 於是去了實德炒黃金, 開頭1個月賺4萬, 那個月我的總收入有8萬, 我覺得係時候要去健身了, 於是我去了健身, 點知因為健身時間撞正,睇唔住個市, 一個星期時間個經紀幫我輸十幾萬
我好灰, 還是繼續健身, 點知去錯黑店, d堂費貴到嘔, 係咁逼我上堂, 每星期燒我千幾蚊.
我平時唔買名牌, 電話都用cheap野. 搵4萬幾, 自己用唔到3千, 其他都係比家用同儲起佢. 多數既消費都係請人食飯, 我對自己刻薄, 但唔會刻薄朋友
前排識左個女仔, 佢得18歲, 將要考dse. 在網上傾開計話我輸左十幾萬唔開心, 佢話出來陪我.
我地出去散心, 傾計. 行行下既時候唔記得左因為咩事, 我話: [你睇下我幾鍚你!]
佢就指住塊面話: [錫啦, 快d錫]
於是我真係錫佢塊面一下, 點知佢突然轉個頭再錫我個咀一下
我做左一世兵, 從來只有我單向愛人, 第一次咁樣比人錫. 於是我鐘意左佢...
之後又出過一次街.
去完之後番屋企, 我whatsapp問佢: [下次我可唔可以拖你隻手?]
佢話唔可以, 我以為自己有機, 原來唔係, 果一刻真係灰左.
我都明, 佢得18歲, 而我已經廿到近尾了. 年齡相差好大, 好難長久
同埋拖住佢, 比friend見到會笑我拖幼齒, 因為佢本身個樣好童顏, 加埋打扮, 有時似16歲...
你估我地d男人真係咁想要幼齒咩. 而係好既女仔, 好多都一早名花有主, 什至好早嫁人.
這裡是廣告區域
廿幾歲而又一直單身既, 我遇過, 先唔講個樣, 大部份都有性格缺憾, 好港女, 開口埋口講錢, 名牌, 靚仔...
正當我以為冇機時, 個18歲女仔又同我講d好愛味既說話.
話掛住我, 又話我做乜起身/去邊都唔同佢講.
之後我出街食飯時向佢報告一下
佢whatsapp我:
你果然......
好適合.....
我問: 好適合乜?
佢: 好適合做兵
女子監獄裡的孩子 , 生活是這樣過的!
這些女明星在紅毯上「大.走.光」卻渾然不知！最誇張的竟然是楊冪...太害羞了！
記一次與李嘉誠 , 馬雲的飯局對話
別說你沒看過這 "震撼全球" 的照片 這位女孩如今是怎樣了??