TVB新劇《律政強人》除咗有方中信、廖啟智等老戲骨之外，當中仲有一位小鮮肉亦非常搶鏡——佢就系做方中信徒弟仔嘅何廣沛。
外形討好嘅佢，吸引咗好多女觀眾嘅眼球，但唔講唔知，原來何廣沛一度有機會成為MK POP「天堂鳥」組合成員，只系TVB唔建議，要佢專心拍劇，到底呢個選擇系好系壞呢？
正所謂「一將功成萬骨枯」，行呢條演藝路就預咗要捱。入行日子短暫嘅何廣沛一開始都系做茄喱啡角色，直到拍《女人俱樂部》，做年青版吳啟華，開始有人留意，雖戲份唔多，不過都留下印象。
之後到《樓奴》勞多樂一角再令人有印象。但同時對比「天堂鳥」已經開始北上掘金，何廣沛仍然喺TVB裡面捱緊。高不成低不就。
最近喺myTV SUPER播緊嘅倉底貨《巾幗梟雄之諜血長天》中，何廣沛有機會同視帝黎耀祥一齊做戲。佢亦有份參演TVB新劇《超時空男臣》。
雖然一直喺TVB做一啲小角色，不過何廣沛就好睇得開，唔同領域發展當然亦有唔同成就，佢接受媒體訪問時講過：「所有嘢都系一步步捱出嚟。」又話：「我勝在後生，可以拍多幾組戲，做多啲綜藝節目，而家我爆騷架，生活上唔系太大問題。」
就算只能收取最低工資，仲要斷鍾計，何廣沛都無咩怨言：「有嘢學又有錢收，仲想點呢？」
而家正值系TVB青黃不接嘅年代，不妨睇下小鮮肉何廣沛可唔可以去填補呢個裂縫？