一入屋，個氣氛開始唔對路，不過大家都恭恭敬敬咁打招呼
到自我介紹，佢兩隻老野開始嚟料
以下係我哋嘅對話
:我:女友老母:女友老豆
:做盛行㗎？
:揸九巴
:人工幾多？
:加埋有二萬
:嚇！人工噤少，你點養我個女啊？
:係囉，得二萬，半個月嘅生活費都唔夠啦
:你住邊㗎？
:屯門置樂
:嘩，仲要屯門,肯定係臭飛啦
:間屋邊個買？
:父母
:diu,仲要痴飲痴食，睇嚟你養唔起我個女啦，食埋餐飯好離開我個女啦
我開始忍唔住，不斷據理力爭咁講自己父母仲有返工，唔駛交好多家用，不過個女仔老豆一路係咁貶低我，仲話揸九巴係乞衣，我亦開始唔同佢客氣
:既然世伯話揸巴士係乞衣，咁世伯以後唔好搭巴士啦
:啊死衰仔你仲頂嘴
之後條老野打咗我一把，我做咗47年人除咗老豆老母都未試過比人打塊面，當然我都不甘示弱咁還擊
:X你老X,你個女個西鑲金㗎？你條小巴佬憑乜話我乞衣？
之後我將成檯餸推曬落地，用檯上隻白斬雞一野車落條老野個頭，隻老野就扯爛我件衫，如是者打咗45分鐘
最後差人嚟到,我哋都放棄追究對方，差人剩係抄低我哋幾個嘅身份證就走
而我最後都返咗屋企，女朋友當晚就block咗我嘅whatsapp,唉.....