［當柒頭化身MK]
今時今日，龜係屋企無咩女性朋友亦唔係靚仔既巴打們，有無諗過點樣可以吸引到女？點樣可以變成一個［靚仔］？
話說靚仔呢樣野，真係天生。有人覺得自己唔夠靚仔，就花好多錢去整容。 為既自然係各種理由
但係如果你又無錢又樣衰，但又想人地話你靚仔，點算？ 我就發現左個辨法。
首先，你要剪一個潮流街童LOOK＋染髮。咩色？自然係鮮艶既。令人地將個注意力集中係你頭髮上面而唔係你個樣。
跟住，你要學識自拍，三七臉＋４５度角拍攝就唔在講，仲要配上燈光＋美圖秀秀。咁樣，你就有左成為MK既條件。
然後，同一班MK 所謂BE FD，三唔識七唔緊要，照HI，照出街。做乜野？幫自己係MK入面加個名。
只要你成功左，你就會有好多［朋友］黎同你SAYHI，而女仔都會講，［唔識，你都幾靚仔既，得閒搵我啦！］
即使最後你唔會去搵佢，或者人地根本就唔會理你，但你目的已經達到左。［有女仔話你靚仔。］
到底點解咁講？因為如果巴打們有留意，就會發現好多MK仔其實好樣衰。只係因為佢係MK。
入左人群入面，如果有人罵佢樣衰，就會令其他人討厭。因為部份既MK，都係由呢種人演變而成。
MK妹為左合群，捂住良心話一個柒頭係靚仔。
就係咁，由一個樣衰既路人甲，變成一個依然樣衰但比人話靚仔既MK仔。
當一個又一個柒頭化身MK之時，就係無數西隧一次又一次被擴建既先兆。