噚晚我同Ex GF出咗去，但我女友唔知嘅。因為佢管得我好嫌，如果佢知我個EX搵我，一定唔會俾我出去見Ex..
Btw,如果唔係今次個Ex有難，我都唔會新年流流dump低現任女友出去，你哋估我真係唔識個死字點寫咩？！
不過，我個Ex話佢阿爸爭人錢，成日有人會上佢哋屋企搞事。佢一個女仔成副身家都係得嗰三萬，仲可以點r多四萬蚊嚟還債?!
雖然我唔係有錢，但係都有啲積蓄。我唔係等住嗰四萬開飯，同EX總算一齊過，見到佢咁可憐，唔通我唔幫佢咩。。。
但係，無論我今次係幾咁低調，我仍然被女友發現咗
因為我真係唔識講大話，稍為被女友問一問我噚晚去咗邊。
我就亂噏話同同事去咗唱k，然後女友就話噚晚打俾我嗰時嘅環境好靜。。。
唉! 我知點兜都兜唔到，最後唯有同佢講真話。
女友一聽到我借錢俾個Ex就失控，話我唔愛佢
佢話平時去纖體公司做facial就唔幫佢俾錢，依家個Ex一問到，我就借俾佢。
媽啊! 我女友真係打橫嚟講！
我同佢講:"Ex用錢嚟救命又同你拎錢去做facial比?! "
女友就話:" 我夠要錢嚟急救塊面啦！又唔見你俾我！！"
然後，我就大大聲咁同佢講:"唔好咁野蠻啦你！！"
佢就話: " 分手咪唔會被我煩! " 然後佢就閂埋門
到咗今日我哋仍然冷戰緊
或者男仔係應該要大方吞咗佢，但係今次我真係說服唔到自己去氹番佢