上屆港姐亞軍龐卓欣（Ada）性格直率、作風大膽，參選港姐時，不僅曾在社交網站上載大量比基尼性感照，還大方秀出與男友孫智威（Solomon）的親密合照，完全毋懼是非。
龐卓欣
龐卓欣與男友Solomon
當時，麥明詩與龐卓欣奪得冠亞軍後，就有知情人士說：「龐卓欣（Ada）同麥明詩（Louisa）背景差唔多，屋企又有米，你叫佢硬簽十年賣身契，佢梗系唔制啦！」
結果麥明詩最後跟無線簽下四年包薪合約，立即被力捧，有指無線有意把她打造成「Do姐接班人」，不時安排她做大騷司儀。而龐卓欣一直未簽約，8月卸任後便離場轉行教小朋友唱歌。
現年23歲的龐卓欣，樣靚身材正，有家底有學歷，她爸爸是東驥基金管理董事總經理龐寶林，母親任教於音樂學院，自幼受父母栽培其音樂才華，加上畢業於美國曼哈頓音樂學院，當然也想在這方面一展所長。龐卓欣參選時已直認有個有米男友、鐘錶大王孫秉樞長孫孫智威（Solomon），離開無線的決定亦得到男友Solomon的力撐！
龐卓欣同時也為自己可專注發展事業而感興奮：「我會教小朋友唱歌，自己亦有個YouTube channel，會做一個Blogger，我鍾意自由少少，亦會去好多活動，幫自己建立一個Image。（離開TVB會唔會鬆一口氣？）唔會，無線畀咗好多機會我，但我覺得自己適合唔會咁有限制嘅公司。」又謂自己會以Blogger身分教人烹調健康食品、化妝、電頭髮等，並會上載影片分享曾被網絡欺凌及減肥等經驗，讓大家可從錯誤中學習。
問到曾發生甚麼網絡欺凌事件時？她說：「選香港小姐時，曾經畀人喺Instagram鬧，我想話畀大家知唔使理咁多唔鍾意你嘅人，因為你唔可以要個個人都鍾意你。（鬧你咩？）我冇攬Louisa（麥明詩），話我系最小器嘅港姐。」並謂之後有相證明有攬對方，但仍然遭人鬧爆。記者著她今年再攬番Louisa時，她說：「系呀，同埋我有同今年嘅港姐講，無論個人幾迷惘，都要記得攬冠軍先。」
目前，龐卓欣雖然冇喺幕前發展，不過都keep住喺網上同大家見面。做咗YouTuber已經有一段時間，完全放低港姐包袱，不時上載多元化嘅短片，教網友整呢整路。近呢個月佢發起咗個網上欺凌嘅話題，唔少網民都大讚佢個人坦率敢言，更有人稱佢為「網絡教主」。
近日Ada嘅新作終於面世，今次佢唔介意自爆戀情，以過來人身份勸告網民要珍惜自己，唔好為咗得唔到嘅感情傷害自己身體。
片中Ada自爆中一時畀初戀男友傷透心，佢話當時嘅初戀男友一腳踏兩船，偷嗒一個蛇腰女仔。為咗令男友回心轉意，Ada展開節食、狂做運動等，一連串減肥行動，最後更演變成厭食症，最瘦時只得90磅，當時肚餓食嘢都覺得自己有罪惡感，食咗嘢會覺得自己好錯，罰自己跑足三四個鍾步，脾氣仲變得好暴躁：「雖然嗰時真系可以減到好瘦，自己覺得好靚好瘦，不過依家睇番啲相，面色完全系蒼白，得個瘦字。」
過咗一段時間，Ada開始好想食嘢，不過當時食嘢好驚畀人見到，覺得啲人會投以鄙視目光，試過喺商場買咗個包，要匿埋廁所食。佢話：「依家諗番起覺得系一種病態。」佢食番嘢之後，Ada嘅身形開始反彈，令佢嘅病情更嚴重。網民聽完佢嘅故事後，都話好感人，有人更介意話畀網民知佢哋都有類似嘅經歷。
依家嘅Ada樣靚身材正，片中佢唔介意跟大家分享當時啲肥妹相。啲相雖然系肥咗啲，不過都不算好嚴重，女神形象並冇喺網民心中幻滅，甚至有人贊佢可愛得意。最後Ada語重心長再次勸大家愛惜自己。