胡杏兒去年就搵到真愛，同李乘德結婚，而跟杏兒同期慨花旦，大都已經離開大台各奔前程，有啲北上搵銀，有啲就榮升賢妻良母。
陳法拉
13年法拉決定離開大台，兼同Neway太子爺薛世恆離異後，法拉就去美國紐約修讀為期四年慨戲劇碩士課程，之前佢就俾子華神欽點佢返港，一齊做舞台劇《前度》。感情方面，佢都有新去向，早前就有周刊話佢搭上曾任法國駐日外交官Emmanuel Straschnov。
楊怡
今年做咗兩個好大決定，事業方面，佢決心離開大台返大陸發展，明年就會接胡杏兒力演舞台劇《我和春天有個約會》，飾演姚小蝶一角。感情方面就更加唔駛講啦，今年三月佢同拍咗拖四年慨羅仲謙，喺英國肯特郡利茲普城堡（Leeds Castle）舉行童話婚禮，但本月被《蘋果》踢爆佢哋原來仲未註冊，佢哋下月2日會喺香港麗思卡爾頓酒店補擺喜酒兼註冊。
佘詩曼
感情路上，阿佘似乎唔及事業順風順水，出道多年慨佢，緋聞男友一大籮，好似吳卓羲、陳豪、林峯、鄭嘉穎等等，但全都系冇米粥，真命天子似乎仲未出現。講到演藝事業，阿佘就得過兩屆視後，今年5月就撇大台，自己成立工作室，返大陸搵真銀，之前佢就好成功咁參加江蘇衛視美食真人騷《星廚駕到3》，做埋女廚神，另外她有份演出的電影《使徒行者》票房報捷，片商有意添食拍續集。
鍾嘉欣
鍾嘉欣同伍允龍緋聞就傳咗好多年，兩位當事人一直都冇承認戀情，直至嘉欣BB嫁俾加拿大脊骨治療師Jeremy Leung後，上月底仲喺加拿大生埋囡囡Kelly後，伍允龍先認曾經同嘉欣BB「有過關係」！
徐子珊
「不死子珊」喺大台慨劇集就炸極都唔死，但去年就離開咗大台，話去讀珠寶設計，但之前又突然咁同王祖藍慨工作室簽約，改攻大陸，主力拍劇及參演真人騷。感情方面，她曾被指與外籍男模Moni Demirov相戀，但出席活等時又否認兩人是情侶關係。
杏兒同期慨花旦，好多都做咗人妻。
法拉13年同Neway太子爺薛世恆離異。(資料圖片)
法拉喺《2010年萬千星輝頒獎典禮》得最佳女配角。(資料圖片)
今年返港同子華神合演舞台劇《前度》。(資料圖片)
有周刊指法拉搭上曾任法國駐日外交官Emmanuel Straschnov 。(網際網路圖片)
楊怡今年三月同謙謙喺英國結婚。(資料圖片)
返港時，兩口子好鬼Sweet。(資料圖片)
楊怡同黎耀祥齊奪視後視帝。(資料圖片)
佘詩曼今年生日再離大台，成立自己慨工作室。(資料圖片)
佘詩曼今年生日再離大台，成立自己慨工作室。(資料圖片)
阿佘曾與緋聞男友鄭嘉穎一齊拎視帝視後一獎。(資料圖片)
嘉欣BB同加拿大脊骨治療師Jeremy Leung結婚。(資料圖片)
嘉欣BB今年榮升埋做媽媽，囡囡叫Kelly。(微博圖片)
子珊系大台慨劇集，炸極都唔死，被封不死子珊。(資料圖片)
之前子珊傳與外籍男模Moni Demirov相戀。(資料圖片)
之前子珊傳與外籍男模Moni Demirov相戀。(資料圖片)