外表斯文的李施嬅，私下也有好動一面，原來四年前已考獲潛水牌，近日還自費到峇里考取救援潛水員牌，目的是自救及救人。
她向東姑透露︰「早年南亞海嘯，好多人死於大海，我有朋友因為有呢個牌，即時可以幫忙潛入海底打撈屍體，雖然都幾恐怖，但好有意義，令啲家屬能夠見番失散親人慨屍首，所以我考牌後會做義工。其實峇里系最難考，因為啲浪又大又急，所以嗰日考試時都好驚險，我食了好多粒暈浪丸，又撞到啲手腳瘀曬，幸好一次pass。」此外，她深受好姊妹胡定欣「刁蘭」角色影響，也想轉型做型格打女，故加強操練，欲展示自己強悍一面。
李施嬅指水中救人期間，最需要是大量體力，已考獲高級潛水牌的她，日前再考取埋救援潛水員牌。
她考心肺復甦法前，先吸多幾啖氧氣。
李施嬅到峇里考取救援潛水員牌，要落水救人及人工呼吸，考試費萬多元。
考試嚴格，考足四日，她要完成心肺復甦法，才獲頒證書。
她自行用公仔練習急救。
有意轉做打女的她，頻頻狂操，準備就緒。
考試前夕，除長跑外，又加緊操練體能。