TVB娛樂主播李漫芬（Fanny）為人所認識，除咗因為主播一職外，亦因為佢不時客串劇集，喺公仔箱非常活躍，所以唔少觀眾都記得佢，而佢尋日仲宣布成為「准人妻」，恭喜曬！
男友是游水教練
Fanny喺微博大曬求婚鑽戒，並留言：「謝謝您昨晚給我的驚喜，真的很感動！簡單，幸福！是，我是您的未婚妻了！」
而佢嘅圈外男友Alvin系一位游水教練，身材Fit爆唔使講，仲好靚仔有型！Fanny不時喺微博大曬兩人合照，男友有時仲會陪佢做嘢，直情系跟得男友，非常甜蜜！今次Fanny宣布婚訊，相識滿天下嘅佢獲得各方藝人朋友送上祝福，好似蔡少芬、歐陽震華、黃心穎等等…真係數都數唔曬，楊怡仲話歡迎Fanny加入人妻行列呀！
曾嘲無靚樣
其實Fanny加入無綫已經有10年，佢曾經接受《東網》訪問時坦言自覺唔靚，不過就勝在有口才，佢話：「我鍾意演戲又鍾意主持，啲人贊過我執生成功，雖然我冇靚樣，但上天系公平嘅，佢賜我另一方面天分。」Fanny恭喜人就恭喜得多喇，今次終於到佢接受祝福喇！