唔少圈中藝人睇中英國風景優美同有濃厚英倫風格，所以都特登飛去當地結婚，希望可以為自己留下美好嘅回憶。
張學友
歌手張學友同羅美薇1985年因拍攝電影撻著，不過拍拖三年之後就宣布分手，有傳當時佢哋轉玩地下情，之後再喺1991年宣布復合，最終1996年喺英國結婚。
楊怡
藝人楊怡與羅仲謙今年三月秘密喺英國、梅德斯通東南面嘅利茲城堡行禮，該城堡被視為「世界上最浪漫的城堡」。但由於二人其實系未正式註冊，所以下月二人將會喺Ritz-Carlton擺酒當日，正式註冊成為羅生羅太。
周杰倫
台灣天王周杰倫去年同昆凌，豪花二千萬港元打造童話婚禮，喺英國約克郡一間近一千年歷史教堂Selby Abbey舉行婚禮，終於實現周杰倫36歲前要成家立室嘅願望！
盤翠瑩
前無綫新聞主播盤翠瑩今年五月，同香港前足球隊馮嘉奇，喺英國伯明罕舉行婚禮，2010年馮嘉奇同當時英超伯明罕球隊簽約，擔任球會財務工作，似乎對當地甚有情義結！而當日無綫新聞小花張文采亦有到當地觀禮，見證對方重要時刻。