肥媽、喬寶寶同埋尹光，噚晚喺旺角麥花臣球場出席「油尖旺區賀國慶67周年文藝晚會」。
打正愛國旗號嘅肥媽喺台上面講：「唔好搞搞震，搞亂香港，因為中國好，香港好。」
後台訪問，問肥媽點解咁講呢？以下喺佢嘅高見：「總之，唔好嘈，一家人，嗌交都無用，贏咗場交，輸個家，有咩好呢？
大家同一個城市，最緊要民生經濟向好，搞壞香港經濟無用，睇下伊拉克國家就知。」
早前果欄火警未有嚴重影響喬寶寶有份投資嘅店鋪
再問肥媽，但係民怨好勁喎？肥媽話：
「日日都勁，以前居屋無咁多，o依家政府話起，又係度嘈，唔明喺度嘈咩，嘈嘅人應該諗方法，成日話要香港獨立，邊有可能，2047之後係點，我都唔知活唔活到聽日，成日搵啲野搞到後生嘈，搞到經濟唔好，你哋咁叻，你去教政府點做，應該點搞好香港，我唔識政府，只係一個香港普通女人。」
肥媽以一個香港婦人身份，作最後總結：「我四代同堂都喺香港，只係唔想香港嘈，啲人移民去台灣，啲人唔係覺得政府唔好，係覺得香港好煩，以後前途靠係你哋，講咩都好，害到都係你哋，大陸做唔到嘅野，外國又得唔得呀？總之唔好打爛飯碗。
另外，佢12月抱第14個孫女出世，真係好開心，咁多代同堂。
喬寶寶身型發福，佢話自己剛從蘇格蘭返港，去到喺做人肉提款機，慰妻兼為兩個仔9月生日慶祝，佢買咗5位數字嘅禮物，仲話大仔好生性，叫佢唔好買野。
喬寶寶有份投資果欄檔，早前嗰度發生火警，佢話：「爭三個鋪位，嗰度放貨唔多，好少數目，係停業一日，第二日即刻返去處理，但係其中一個拍檔當日被困火場，所以把聲沙哂，講唔到野一個禮拜。」
肥媽又上台爆seed發表愛國愛港言論