自認為認人能力都算唔錯嘅小編係面對TVB數百個藝員嘅時候唔係個個都叫得上名
皆因唔係個個都叫煎pang、馬明、定欣、阿田……就算係「綠葉」都要做得夠出色先會多人關注咪先大家真係以為隨便一個配角都可以成為有名有姓嘅「金牌綠葉」咩！雖然咁樣講真係好唔公平不過娛樂圈就係咁殘忍所以今日小編要同大家介紹一首為各位甘草演員打氣嘅歌《仍堅持》
▼
作曲係捱咗都有一段時間嘅坤哥而主唱鄭世豪正正就係TVB一位甘草演員！
03年加入TVB嘅佢至今演出嘅劇集已經超過一百多部擅長出演打打殺殺嘅大隻佬、囂張武夫、惡霸等角色有時都會演出喜感十足嘅搞笑角色
13年因參加《星夢傳奇》奪得亞軍嘅佢獲得兩年嘅歌手合約可惜兩年嚟一隻碟都冇出過成為零碟歌手
連無線都認為佢唔係做歌手嘅材料點解鄭世豪「仍在堅持」？
佢表示：世事難料，未行過又點知冇可能，如果《星夢傳奇》，我唔去參加，我最後都係做唔成歌手，雖然碟都未出過，但至少有第一首歌，亦因為有第一首，先會有宜家嘅第二首，有句嘢好老土，但我好相信，你唔試成功機會係零，但你試咗，始終會有一半嘅機會。
可以話佢嘅霖法好天真但唔可以否認佢對演藝事業嘅一份熱血係今次嘅新歌MV裡面有份參演嘅，係同鄭世豪一樣，對演藝事業充滿熱誠嘅甘草演員
MV故事以的士司機邵卓堯開始被喻為「無線御用奸人」嘅佢係現實中曾經為咗幫補生計而做咗8年的士司機
之後仲出現咗18位認得出，但卻叫唔出名嘅甘草演員係TVB收入並唔多嘅佢哋現實中只能靠做兼職嚟幫補生計▼
唔知追開TVB嘅你哋又認唔認得出佢哋？鄭世豪仲表示：佢哋每一位唔係要做大明星，或者要有好大嘅回報，佢哋凈係想做演員，就算兼職有幾辛苦都好，佢哋都想繼續有得演出，佢哋同我一樣等緊一個機會來臨。
好多人覺得做演員唔紅，就唔好繼續啦，但我哋依班人一定唔會，一定會堅持，能夠將自己嘅興趣變成職業，已經今生無悔，有冇回報已經唔再重要。
「綠葉們」嘅角色儘管好細微，對白都唔多但小編覺得一套劇集無論主角有幾齣色都好冇咗「綠葉」嘅襯托主角係平面嘅主角一D都唔立體多得有「綠葉們」嘅無悔演出先可以鑄造出一套出色嘅劇集
作為觀眾嘅我哋對佢哋嘅演出有那麼一絲嘅鼓勵與認同已經係佢哋最大嘅前進動力加油吧！你哋係最有heart嘅好演員！