我家三姐兄妹，自細媽都偏心哥！但佢對人講就話對仔女的疼錫好公平！可能佢自己都從來唔覺偏心吧！但我同家姐就好覺囉！
我們大個了，各有各家庭，雖然媽一直偏心哥，但哥從來都好少理阿媽佢哋，錢更唔會比佢哋，平日電話都冇打來問候一句！除非媽主動搵佢哋！
就因為咁樣，家姐都少來探媽！我覺得老人家應該多陪伴，就算佢偏心都好，我主要做好為人子女本份就夠！所以一直都多去陪下佢地！
早幾年阿爸去世，但之前在鄉下買了層樓，層樓阿爸，阿媽，阿哥都有名！但好少返去住！
今年哥多了來探阿媽，傾多了好多計，阿嫂也耐不耐叫媽飲茶！阿媽開心咗好多！可能開心過頭突然同佢哋講起鄉下層樓！咁阿媽同佢哋點傾，我就唔知啦！
過咗幾日，媽話哥佢哋要賣樓，叫我同家姐返去鄉下簽份放棄遺產文件！家姐話要等攞到假先，但阿媽心急，結果因為呢件事，媽同家姐吵大獲，家姐終於一次過數曬媽的偏心，自己的委屈，一直待佢唔好，問媽點解要做到咁對佢！
但結果，我同家姐都有返去簽咗！但家姐同媽到現在都唔睬！
層樓也賣了，錢當然全部在哥到，好啦，以為事情過一段落！哥也開始少來探媽，但都有來下！媽時不時同我食飯，都提下層樓事，又提下話家姐咁鬧佢過份，冇本心，冇用……又咋家依講話：如果我同家姐要的話，就叫哥攞層樓三份一(即係阿爸個份)來分，分四份每人一份！
我話：我同家姐都唔志在，事情都過咗，唔好再講啦，等遲下淡咗，再同家姐傾返計就冇事啦！
但次次同佢食飯都還係講呢d，我覺得好煩，
終於答佢
我：「從一開始都冇心話分比我哋，就唔好再講啦，我也從來冇諗過要呢d嘢，我自己位置在邊，我非常清楚！家姐同你搞到咁疆，唔係佢錯曬也唔係你啱曬！你放心好啦，即使今日我冇飯開都唔會分你哋呢d錢好未！你以後唔好再講好嗎」
媽：「係，你哋要，我即時叫你哥比返你哋，都係你爸個份分四份即！自古至今，你問過曬所有人，有冇人賣樓，d女都會有得分啊！」
我：係，所以我哋從來冇諗過要，也明白你重男輕女！如果我哋諗住要分的話，就唔會返去簽，你哋一樣賣唔到！以後請你唔好再多心諗我哋呢d做女的貪你d咩！仲有我奉勸你一句，無論仔或女，唔到最後一刻，你永遠唔知邊個對你最好！
媽跟著冇再嘈，因為佢知道再嘈傷埋我，就真係冇人會再陪佢！
但我真係有點傷，有d唔想再過去佢到食飯！好掙扎，去又聽埋曬d煩事，唔去佢又好似孤零零一個老人！
重男輕女觀念真令人心淡，下世如果又係做女，我唔做人啦！