昨天香港歌手李逸朗（Don）應邀到柴灣為ViuTV由鄧洢玲（阿旦）同梁梓喜主持嘅節目《晚吹－啪啪聲，太好聽》任嘉賓，討論性愛體位。節目中Don被阿旦踢爆他曾經的每個女友也肯與他上床兼「特別服侍」，對此，Don未有否認。
阿旦自言做呢個節目得著系學到幾四十幾招性愛技巧名稱。兩男應邀示範「蝦米仔交歡」、「龍舟掛鼓」等動作，梁梓喜最初話：「我男友會嬲o架，仲要俾李逸朗搞。」之後佢又好抵死嗌：「我系港姐，嗌我港姐冠軍。」港姐……？？？？
話題又兜番去頭先梁梓喜講起「港姐冠軍」，問Don最深刻同邊個拍拖，會唔會系葉翠翠呢？Don反問：「嫁咗人嗰個？」
Don又話：「唔記得喇，每個都感情好深刻，中間過程就忘記咗。」阿旦再爆Don最鍾意性愛體位系龍舟掛鼓，Don聞言即話：「即系完全抱起對方進行性愛，好難為好吃力。」此時阿旦又插嘴：「我聽完都即問個女仔高唔高、腳長唔長，趣（翠）唔趣（翠）？」Don即一臉認真話：「唔趣（翠）。」
李逸朗與前港姐冠軍葉翠翠未入行時均曾任模特兒，可謂是識於微時，後來李逸朗仲被拍到於翠翠家短敘四十五分鐘，因而曝出二人拍拖，惟雙方例牌否認，至今從未承認雙方關係。
而Don被問到翠翠有否為他「特別服侍」?他表示：「過去嘅嘢都唔想講太多，我尊重每個人，幾十年前嘅野唔好講。（被網友鬧爆喎！）冇所謂啦！呢個系綜藝節目，唔系講感情事，我冇喺入面提所有前度女友嘅野，覺得冇咁嘅必要。（會否打畀翠翠say sorry？）唔會啦！我都冇提佢個名，同埋咁多年都冇聯絡啦！（佢唔認同你拍過拖，咁究竟有冇呢？）唔記得啦！人哋都結咗婚！」
對於這次的事件，李逸朗被指自曝性癖好搏宣傳，而這並不是Don第一次這樣做啦。去年，李逸朗在Facebook上載與已為人妻的舊拍檔蔣雅文（Mandy）的合照，並留言：「七年之約！」他又暗示跟友人吃飯談大家這幾年的故事，事後被指有「抽水」之嫌！
之後，仲上埋「100毛」瘋狂自抽，直認「Don兵」話:「系100毛我先會陪你咁玩」，實行玩到盡，但此舉惹來好多Mandy粉絲不滿。有人喺fb質問佢:「尊重Mandy等於俾翻少少尊嚴你自己啦！連嗰少少尊嚴都唔要..可想而知你有幾唔要面..翻去當兵啦你」
當時還有網民攻擊李逸朗:「你有無顧及到蔣雅文嘅感受勒，蔣雅文想同你一起玩咩，會同你一樣咁中意搏上位咩，你用你個腦霖下你自己做得岩唔岩啦，咩七年之約，你咁寫 擺到明想令人誤會啦，有約定先叫七年之約啊，你同佢都好耐無聯繫啦，你咁叫一廂情願啊。難道你真系唔覺得你騷擾緊佢嘅正常生活？可笑，你自己反省下啦！」
之後蔣雅文也在facebook開腔，Mandy說：「在這裡想重申我跟Don真的沒有一起過，他沒有追求過我，我也沒有喜歡過他，當年我們對工作的期許和處事方式不合，情緒問題一再影響正常生活，最終才會拆夥各自發展。」
她又謂：「以為文字報道到自嘲影片，話題會好快結束，未料半年沒有平息反而越演越烈。真心佩服你對工作的熱情和耐力，但請尊重我的生活，我忍耐力比一般人都要高，甚至被周遭朋友稱之為笨的程度，但若真的踐踏到我的底線，我會想辦法保護自己。」雖然沒有開名，但Mandy口中的「你」明顯是指Don。
Mandy表示明白曝光宣傳的重要，但對待工作的心態或處理方式是可選擇的，不少網民都留言撐她，連她老公朱經雄都留言：「放心！有我在！」
這次，由於Don於節目內的言論令人輕易聯想到葉翠翠，隨即再次被網友鬧爆，直斥此舉對已為人妻的翠翠造成很大傷害，實屬不應該！昨天葉翠翠也否認曾與他拍拖：「佢唔系我舊愛，所以佢嘅生活唔關我事，人哋嘅嘢唔回應啦！」