關注
田蕊妮（阿田）喺2013年憑TVB劇集《巨輪》飾演「倀雞英」一角，奪得「最佳女主角」及「我最喜愛電視女角色」，演技得到認同，被外界一致認同系好戲之人。最近播出續劇《巨輪II》，「巨粉」對於阿田嘅演技有贊無彈，繼續大受好評。
網民贊冇得輸
尋晚阿田喺《巨輪II》又有視後級嘅演出！加上尋日中秋節，好多人都邊食飯邊睇劇，所以尋晚播出嗰集特別大迴響！不過呢，呢一集比較Sad，可以話超多洋蔥添！是咁的，劇情講到龍飛（阮兆祥飾）諗住飛去沖繩搵老婆文英（田蕊妮飾），點知班航機出咗事，嚇到文英不知所措，搞到爆喊又自言自語，啲內心戲出嚟，有網民就話隔住個mon都戥阿田心頭，仲大讚阿田演技冇得輸！
堅摑冇借鏡
之後，龍飛嘅爸爸聽到個仔出事，搞到中風昏迷入院，文英即刻返澳門趕去醫院，點知奶奶（盧宛茵飾）一見到文英，即時眼火爆，喪鬧文英搞到佢唔見咗個仔，文英只好跪地任由奶奶喪摑，完全打不還手！一巴巴咁摑落去，網民話見到都覺得痛！
其實呢，拍呢個場口系有段故嘅，阿田之前出活動受訪時講過，呢場戲系畀盧宛茵「堅摑」咗兩日，何解呢？原來第一日阿田腸胃炎兼中暑，摑嚇搞到嘔，要第二日返去再被摑先收貨！去到最尾，文英仲畀奶奶趕出家門，仲要夾親只手，有網友肉緊到叫咗出嚟！
基本上成集齌睇阿田嘅內心戲已經夠好睇，講到佢諗番起以前同老公嘅恩愛點滴，最後崩潰爆喊，呢場戲真系一啲唔易演囉！有網民已經話今界視後非阿田莫屬，對「倀雞英」一角非常有期望！
網民有話兒
Kxx KxxTxxx Chxx：由乍聞龍飛出事，心情忐忑，自言自語，醫院被奶奶連摑幾巴！送奶奶回家夾手，到在家中回憶夫妻恩愛點滴，最後崩潰痛哭！幾場戲情緒拿揑到位，今集堪稱亞（阿）田代表作！年尾（視後）獎項不作他想！
Yxx Ox xxum：今集看到田姐的演技
Charlie Suen：夾手嗰幕好心痛！
劉XX：阿田永遠是我心目中的視後，她有感動觀眾的魔力，真正的魔女.....
Caxxx xo：好慘 龍飛可吾可以吾死
究竟龍飛去下落到底是哪裡？
阿田會不會再奪視後？