睇《城寨英雄》，大家凈系見到大隻男陳展鵬、袁偉豪同伍允龍，但系好似李嘉、林穎彤同魏惠文呢啲知名度較低慨演員，都因為呢部劇演技出色而人氣急升！其實另一配角扮演福壽金慨型佬林偉一樣有唔少觀眾支持！唔講你唔知，林偉以前仲同大美人李嘉欣做過同學！
生於1961年，林偉今年54歲，加入娛樂圈超過30年，年輕時身材高大威猛，除咗做Model之外，仲拍過唔少三級片。早幾年回巢TVB之後，變成奸角專業戶，有時扮黑社會大佬，有時扮綁架匪徒之類角色。林偉同《城寨》另一演員魏惠文(飾演鑫鑫父親) 一樣，畢業於演藝學院戲劇系，喺模特兒公司做學員嗰時仲系大美人李嘉欣同期同學！
回巢TVB之後參演唔少劇集，好似《EU超時任務》賀展祥、《神槍狙擊》江志毅及《使徒行者》猜Fing等，雖然戲份唔算多，不過演出入型入格，都成功令觀眾留低深刻印象。
雖然林偉已經年過半百，但樣貌身材都keep得好好，絕對系買少見少中年型佬！喺劇裡面就神打好厲害，其實現實中都唔系泛泛之輩！林偉練泰拳好多年，仲系一位泰拳助教！打得又睇得！
林偉未入行前，曾經系一名喺尖沙嘴寫字樓返工慨白領，一次佢著住西裝搭地鐵被星探發掘，自此成為模特兒。有時西裝唔系話靚仔著就一定型，更要身形及佬味先吸引人！